[بوبطي الكعبي]

بسم الله الرحمن الرحيم

السلام عليكم ورحمة الله وبركاته

شحالكم

قصيدة بشار
للشاعر
خليفة بن فواز الكعبي


سهيل بين وين هو ضايق البال
شفناه يبرق بالعيون اليماني
بشر قرانيسك وطييب لها الفال
جتنا الصفاري وزان جو المكاني
ابشر بوبلن يروي القاع همال
تحيا به ارياضن كساها الدفاني
ياماحلا المقناص من عقب فنجال
من صفرتن تجلي تعب كل عاني
بخوة رجالن تحتري كل هشال
والكل منهم ياعرب مرحباني
والكل شل طيره و يمدح له افعال
ولهان توقه للهدد مايفاني
وبشار طيري تعجز بوصفه امثال
لامن طريت اسمه عسفت المعاني
يازين طيرن خوته بالف رجال
حرن وشيله يرفع الشان شاني
قرناس بكرن تنضرب فيه الامثال
ياماحلا شلته تجلي الحزاني
احمر كما نارن تلظى بالافعال
يفخر به اللي لصقاره يصاني
طوله في عرضه قايمن فيه مامال
ملموم ريشن عاتقه مايداني
له منسرن كالسيف لا جاك نزال
على عنوقن راخيه بالطماني
اقطم قطامي والمدامع به اقلال
والعين عين ذيب ماله اماني
مناسمه وساعن وبه عزم حمال
درع المناكب درع ثندا تباني
افجح قصير الساق وشلايلا اطوال
والكف فيه اعدم ويجفا الحناني
له كاشحن للخرب عوقن وغربال
خضبا كفوفه ابصيده اللي لفاني
مابه شرودن لو علت فوق الاجوال
في لحظتن تلقى القواصي دواني
ولاصار يومن ماهو ينفع به القال
يوم العزاوي بالطيور الرزاني
فز وتزين تل سبقه بالاعجال
يلطم يحلل بو العروف ابثواني
ولامن لمح ربدن مخاريش بإذلال
ارخوا عنوقن جالها الموت حاني
و مادام نجم سهيل باقي ولازال
ابشر ياطيري بالسعد والتهاني
واختم واصلي ع النبي خير مرسال
شفيع خلق الله بتالي الزماني