[إبراهيم سعد]

للتواصل ابيات متواضعه

والله ان ودي ولاودي احس الشعور=والحقيقه كل رجلٍ نصيح يعدها
لاتجاملني ولا أجاملك على القصور=أبا أبدَي كلمة الحق وأنته بدها
ليه لنا في عصر يختلف عن العصور= فيه أمورٍ تبغي اللي يوقف ضدها
داهمتنا التقنيه وأدخلت في كل سور= لين وصلت لآ خر البيت محدٍ ردها
كلها باانواعها مع ماتحمل من شرور=لدوا الانظار واللي مالد يلدها
في خطر قامت تصافق بنا امواج البحور=والغرق مابين جزر البحور ومدها
يوم واكبنا التطور وكثفنا الحضور= سوء الإستخدام خيب الآمال وهدها
الإيجابيات صارت لهم نقطة عبور= كلمةٍ ياكثر من يدرق في سدها
لإتخاذ الجانب السلبي أتمد الجسور=وساعدوا الأعداء بنصب الجسور ومدها
الله انه يصلح الحال ويزيَن الامور= ليت من ورد بعض الاجهزة يرتدها
اشغلت شبابنا واسهرتهم لسحور=والفعل هذا عن الخير كله صدها
شفتوا اهل ابلاك بيري طويلين الشبور؟؟؟= من التطور والثقافه تعدت حدها!!!
بدلوا يمكن بيمقن وضاقن الصدور=يوم شفناها تسولف بها من جدها
وفاالبرودوكاست ياللي ماتدري وش يدور=والله انه يدور امورٍ مانبغي عدها
الله انه يصلح الحال ويزين الامور= ليت من ورد بعض الاجهزة يرتدها