[جوهر الشعر]

هذه القصيده الرائعه قالها الشاعر امام الشيخ حشر بن مسند السبيعي
بمناسبه مشاركته بأم أرقيبه لعام 1432هـ

ســــلام تسلـيمن ينــــور بالصـــــدور=لسبيع واللي حاضرٍ معهم جـــــــميع
تسليمةٍ تضفي عـــلى كل الحضور=معطــره بالمســـــــــــك وأثمار الربيع
نقطف معانيها مثل قطــــف الزهـور=من هاجسٍ عن مستــــــواها مايضيع
اربـــط قـــواعدها مثـل ربط الجسور=من خــوف وزنتها عــــن المعنى تتيع
ننقي جواهرها من أعمــــاق البحور=في حلهــــا نفتح لهـــا الباب الوسيع
في حفل أبو سلمان لوجيه الصقور=نبـــا القوافـــي مـــــن مصادرها تذيع
في حفل رجالٍ علـى الطيب معمور=حشر السبيعي طايل الباع الشجـيع
كم واحدٍ من حشر خــايف ومحشور=أنـــه يجيب الفـــــوز مــــاعنده نــــزيع
راعــــي مـــــجاهيمٍ وسيعات النحور=تنومــس اللـــي يشتري واللي يبيع
أثمانهـــا زادة عــلى أثمــــان القصور=تنومـــــس السبعــــان عجلين الفزيع
البل عطايا الله قويـــــــات الظــــــهور=أنـــزل لـهـا الله بــــآيتـــه شأنٍ رفـــيع
أن جيت أوصفها تقول أوصاف حــــور=تبــــا تجــيب الفـــــوز وتنومس سبيع
كم واحــــدٍ منها علــــى الكبد محرور=يضــحك لكـــن القلب من داخل وجيع
أبمدحك والنـــاس مالحقهـــم قصــور=كـــلٍ علـــى فعله حسب ما يستطيع
ولافيه رجــــالٍ عـــــن الفــــوز محقور=بكــــره مــــع اللجنه يذيـــع أبه المذيع
الطــــيب بين لــــه عـلامـــــاتٍ ونــــور=وأنتـــه فـي وجهك ياحشر يلمع لميع
ما أحد يحوش الطيب من غير مخسور=ألا الكـــريم اللــــي على الطاله وليع
يـــوم الردي دايـــم مـــقيد ومهجـــــور=بانــــي عليه البخــــل لـــــو أنه شبيع
والنعــــم ثــم النعــــم للغلبـــاء يـــدور=تـــاجٍ لروس أسبيـــع حــــامين القطيع
أنتم ورى مــــاقــــيل والكـــــل مخبور=كســـــابت الطـــالــــه مزبنة الفــــجيع
يبيضون الوجـــــه فـــــي كــــل الأمور=لطــــامـــة العـــائل هـــل السد المنيع
كســــابت الطـــالات وافين الشبـــــور=الطــــيب فيكــــم ســــاس ماتوه بديع
أهل الزعــــامه مــــن قديمات العصور=أنقولــــها غــصبٍ علـــى اللي مايطيع
والنعـــم بالحيين واللــــي في القبور=عســــى لهـــم عند الله الخالق شفيع
أبمدح أهـــــل الطيب والطيب فخـــور=راع الوفــــــاء دايــــم يـــــرد له الصنيع
وأنـــا رفيق الطيب اللـــــي مـــــايبور=اللــــي على الشده كما السيف البتيع
ماحــــــط فــــي حزامي زهابٍ مايثور=يطمــع بـــي المسكين والطفل الرضيع
يالأدمـــــي دنيــاك لــــو زانت غــــرور=ياســــرع مـــــا تقلب مع الوقت السريع
الله يكافيكــــم صــــواديف الشـــــرور=فـــــي ساعـــــةٍ يعلم بها الرب السميع
أهديت لـــك يـــــا حشـر يا نمر النمور=قــــافٍ يعــــز الرأس يــا الحـــــــر الطليع

الشاعر / عايض بن طلق المطيري