يزمع الشاعر الفحل فلاح بن ضاوي الشهير بالحنان شاعر المحاوره الاول بقبيلة سبيع حسب رائي الشخصي خلال الشهر القادم انشاء موقع رسمي له على الشبكه العالميه للانترنت وقد تبرع له احد رجال المال والاعمال من القبيله بتكاليف الموقع ومشرفيه الرسميين و سيكون الموقع عارض لجميع محاورات هذا الشاعر مع جميع الشعراء من القبائل الاخرى وتعد هذه الخطوه قفزه كبيره في مسيرة هذا الشاعر ورغم سرية الموضوع فقد نشرته في موقع قبيلة سبيع الغلبا كوني احد مشاركيه لاخذ اراء وانطباعات ابناء القبيله المشاركين ومطالبتهم برصد الانطباعات في المجتمع السبيعي بشكل عام هذا وحتى لاتكون المشاركه ممله فقد تحصلت على اول قصيدة نظم ستنشر با لموقع ويسعدني نشرها هنا بعد موافقة الشاعر الذي لم يمانع بعد اتصالي به وافهامه بان القصيده ستنشر في موقع قبيلة سبيع الغلبا ولم يكن رده الا انا من سبيع الغلبا وسبيع الغلبا ابداء مني ومن موقعي واليكم القصيده
يامن يسلملي على بوش وبلير= ويقول ما حنا بعنهم غنيين
حياتنا تحتاج نهضه وتطوير= وحنا نقلدهم على الزين والشين
ماغير نتبعهم اعجاب وتاثير= حنا على تقليد الاجناب عجلين
تجديد في الاوضاع ماهوب تغيير=على حظارتنا نبي زود تحسين
نبي نصير علوك والا طراطير =شبابنا قام يتملل من الدين
صلاة بعض الناس تقليد لا غير= ياقف و راء الامام ويقول امين
الصبح يحجز في الطيايير ويطير= يبي التمشي عندهم في البساتين
ديارنا ما غير عج ومعاصير= وحنا بدو والمال ضان وبعارين
لي كم سنه وانا على شاه وبعير= والحال صعبه وادفع الدين بالدين
ومعيش عيالي غداء كله شعير =نثرت مالي في عتاب الدكاكين
بابيع ضاني واشتريلي خنازير= واسرحبها بين العراق وفلسطين
اضنها تسمن واعين بها خير= في وقتنا الخنزير يسوى خروفين
قولوا لهم يا اصحابنا ثنكيو سير =حنا رجال وهم ما هم رديين
واتمنى ان تحوز هذه المشاركه على عموم مشاركي منتدانا الغالي