[المجازف]

السلام عليكم ورحمة الله وبركاته
جئتكم بقلب مفحم بالود
واتمنى ان اكون خفيف الظل عليكم
واشكر اخي الكريم الشاعر سعد بن جراش على دعوته الكريمه
واتمنى في اول مصافحة لي ان تنال القصيده ولو جزءا بسيطا من استحسانكم
ولكم مني اجمل واصدق تحيه
اخوكم خالد بن محمد
المجازف

[poet font="Simplified Arabic,5,sienna,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
يا قاسي لا تظن إني ع بعدك ماني بقاوي..........
..........انا قاوي على بعادك مدامك للوفا ناسي
ولعلمك بس يا ظالم تراني ع الهجر ناوي..........
..........تلاشى حبك اللي كان ماله بالغلا قياسي
وذاك اول وانا احبك وعندي قدْرك يساوي..........
..........حقيقه اليوم ولا تسوى وذكرك ما يهز باسي
من دون السبايب قمت تجرحني ولا اتْداوي..........
..........واذا شفت الدموع تهل مني ما تجي تواسي
جحدت النجمتين اللي بليلك نورهم ضاوي..........
..........عيوني يا غلا عيوني عماها طبعك القاسي
منعت الغيث عن ارضٍ حسبت انك لها راوي..........
..........قلبي يا بعد قلبي منعته حبك الماسي
رعى الله قلبي اللي ما جرحك بيوم يا مهاوي..........
..........رعى الله خافقٍ فبحور حبك كان غطاسي
وصدق راعي المثل لي قال تراه الحب بس مْناوي..........
..........وحبك منوةٍ كانت تعطّر أطيب انفاسي
ولكني عزيز النفس ونفسي ترفض اتخاوي..........
..........ظلومٍ مبدأه وساسه يخالف مبدئي وساسي
فخذ جملة(أنا وانتَ) واحذف منّها الواوي..........
..........وخط بْدالها (مبغيك) واقرا تالي احساسي
قالوا ما يفوح العود إلا بين حطب شاوي..........
..........فقلت وش ترجي يا عويدٍ من اللي يشطره فاسي‍‍‍‍‍!
[/poet]