[مسعود الحويزي]

اخواني مشرفين واعضاء وزوار منتديات سبيع

السلام عليكم ورحمة الله وبركاته :

اولاً اسف على طول الغياب عن المنتدى وذلك عائد لاسباب
خارجه عن ارادتي .

ثانياً اتمنى ان تحوز مشاركة اخوي الشاعر/ سفر بن نهار الثوري
على اعجابكم ... واتمنى ان تشفع لي هذه القصيده عن غيابي .

القصيده قالها الشاعر سفر بـن نهـار الثوري بمناسبة زيارة
الشاعر حبيب العازمي لربعنا في الغريف .

جيت عاني يم ربعي والمهــــــــــمه مقـدريه =واتشـــــــــرف يوم ابن عمي على الحفله دعاني
وياسلام الله سلام لا وصـــــل يحـمل تحيه=والسلوم معززه والبـــــــادي السبـــــــع المثاني
مرحبا عن لابتي ترحيـــــــــــــبة فيها حميه =مرحبا عنهم وعني بالضيـــــــــــــوف وبالعواني
ومرحبا يالعازمي واللي حضر ضمن المعيه=مرحبا ترحيبـــــــــــــــة منــّه الى سهيل اليماني
ولا تعدى يبن عمي وان حصل حقك عليه = شاش راســــــــي من تراحيبك وجاه اللي شعاني
ماتعليت متواضع شاعرٍ نفـــــــــسي زكيه =وان تعديت ابا أقول الله يجمل مــــــــــن حداني
وعن بني اعمر اتشرف عزوتي والنار حيه = هم هل العشر المـــــــردف يوم عسرات المعاني
ومنهم اللي في سنام المجد حــــاز الأوليه= العمى عجران عله في نعيــــــــــــــمات الجناني
وربعي سبيع الـــــــوفيه في مواقفها وفيه = يوم نادى اللي على (الطيري) لفاه أمية حصاني
ولو بعدد في الفعايل ماكفــــــــتنا الابجديه = في سبيع أهل الكــــــــرم وأهل السواليف الثماني
وانتم عتيبه هل الطالات والعــــــزوه قويه =حاضرين المجــــــــــــد في عاليه حطيتوا مباني
ويوم صكات المواقع في العصور الجاهليه=ماخذيتوا الا الجــــــزيل ولاكسبتوا الا السماني
قد كسبتونا بهيه وقد كسبنـــــــــــــاكم بهيه=هكذا حنــــــــــا سوا في ماضي عصور الزماني
واحمد الله ضمــــــنا الاسلام وملوك رضيه=في ذرا آل سعود صرنا في الوطن مثل الخواني
والقبايل نعم كل نال طيــــــــــب بحسن نيه= عز جاه وعــــــــــــز مجد وفرحة أعياد وتهاني
قلتها وانا من اللي مجــــــدهم ماهو شويه= من بني ثور الزكور أمجادهم فأعـــــلى مكاني
وسامحوني وان حصل يلابتــــي مني خطيه= السلوم معززه والمـــــــــــــرجع السبع المثاني