[الصييفي الحقيقي]

الأخ البارع....حسب ما سمعنا ان السبيعي (الثوري) كانت قصته علي النحو التالي:

كان قصيراً للعجمان ببيته ووالدته وغزا مع العجمان وكسب ابل مغاتير طيبه ماجا مثلها فالكسب كله ويوم رجعو العجمان لديرتهم قالو لشيخهم حزام ابن حثلين( السبيعي هالي خذا المغاتير وش حللها له وهو قصير قاصر ونبيك تاخذ البل منه )وراحو للسبيعي في بيته وقاله حزام ماشارو عليه به رديين النصيب ويوم تدبر الأمر السبيعي لقا ان مابه اللا الحيله فقال ياعم ياحزام ماعندي اللا حلالك وانا والبل تحت امرك لا كن عندي طلي ابا تعشاه انا وياك الليله واطرد هالكلاب اللي جاية معك لا ياكلونه ويخلونك فطر د حزام ابن حثلين العجمان اللي جايين معه وجلس ينتظر العشاء.....السبيعي قال لمه لاتخلين في البيت شيء ويوم غابت الشمس قام علي ابن حثلين وربطه قال خنتني يا خاين قال الخاين اللي يبي ياخذ ابل قصيره وشال بيته وسري ليله كله لين ظهر من ديرة العجمان واطلق ابن حثلين وعطاه من الزهاب ما يكفيه وامرح شيخ العجمان اول مره في حياته خلاوي وكل ماسمع له اعوا ذيب طق بعصاه الشجر وقال الخلي يا كلب....والسبيعي واصل لديرة ربعه .......وذبها في شحم ........هذا مالدي ولكم مني التحيه