فهد العجمي هلابك
فهد اقدر اعرف وش اللي مضايقك ذالحين وخلاك تقول الكلام هذا
ولكن بما انك تريد الفرق بين الامير عجران بن شرفي والامير راكان بن حثلين بجيب الفرق لك بس لاتضايق واستقبل الكلام بصدر رحب
////
عندما طلب الامام الفرس الحمرا من راكان بن حثلين رفض راكان اعطائه الفرس وقصد قصيدة اللي رد عليها عجران بن شرفي وعندما رد عجران ليس مامور بل غاظه فعل راكان عندما شح الفرس على الامير وقصد القصيدة اللي ذكر وذكره بفرسه وش سوت له
يــــوم أن راكــانــن يــــرد الـعــلامــي مسـتـصـعـبـن مـاطـوعـنــه هــذولــيــك
مـن ضـد ابــو تـركـي طــواه الهيـامـي أجـرب نـحـط لــه المسـاحـي محاكـيـك
ان كـان يطـري السابـق اللـي شمـامـي ارجـــو ان كـذبــه يـاجــواده يـدربـيــك
يالله يـالـحـمــرا يـجــيــب الــوســامــي حـتــى بـــراي الله ســريــع نـقـاضـيـك ...
/////////
عقبها انكسرو العجمان وجلو للبحرين
وارسل عجران بن شرفي هذي القصيدة لراكان بن حثلين
وين انت يا راكان ما عاد تنشاف=حِلمت يا راكان حلـمٍ إنهزامـي
من عقب ما تامن على كل خراف=اليوم يومر لك إبقـل الطعامـي
ورد راكان يتطلب من الامام ان يسمح له ويرجع
ومنها هذي الابيات اللي خص بها عجران بن شرفي
(ما هي بهرجة شاعرٍ يبـدع القـاف // طوّل إلسانـه فعـل ولـد الامامـي)
(حنـا ترانـا علتـه بيـن الانجـاف // نقزي عيونـه مـن لذيـذ المنامـي)
(وقلبه لو هو نازحٍ يرجـف إرجـاف// ونصّبحـه لنبـاج نـور الظلامـي )
(والله إن ننزل بين بوشه والاسـلاف// ونودعـه يتـرك حِلتـه والجهامـي)
(ويجنب الخفـرات زينـات الاوصـاف // بيـض الترايـب زاهيـات الزمامـي)
(كنه خريـشٍ بـدل العقـل بإهفـاف// وأسبـاب خفـه إفعـولٍ إقـدامـي
..
هنا نلاحظ الفرق بين الامير عجران بن شرفي ان قال للامير راكان وتوعده سواء بقبيلة سبيع او بجيش ابن سعود الذي مكون من قبيلة سبيع انه صدق بكلامه وجلو العجمان للبحرين وجاؤو يتوددون للاما حتى يرجعون
واما الامير راكان بن حثلين فلم يصدق كلامه بشي لانه لم يغزي على قبيلة سبيع ولم يؤثر على عجران بن شرفي ولم ينزل بين بوشه والاسلاف ولم يودعه يترك حلته والجهامي .. هل هذا صحيح يافهد ام انا غلطان ...
////////
واذا كنت تقارن بين عجران بن شرفي وراكان بن حثلين
دعنا نبتعد قليلا عن ابن سعود
في معركة محقبه ....
عندما نو العجمان للمغزى على بني عمر من سبيع وكان عجران بن شرفي وقتها عند العجمان لانه حصل له سوء تفاهم مع جماعته وجلس عند العجمان حذر العجمان من الغزو على سبيع فلم يستجيبو له فانذر قصيره منديل ابن غصاب الخالدي بان لاذيهب معهم فرفض منديل ذهبو وغزو على سبيع وماوفقهم الله وانكسرو وعندما عادو عزمهم عجران بن شرفي على العشى وعندما قلطو على العشى هل القصيدة عليهم ومنها هذي الابيات
ظنيت في ربعـي ولا خـاب ظنـي // وانا احمد اللي يودع الظن ماخـاب
أفعالهـم يـوم الملاقـا اعجبـنـي //عاداتهم فالكـون تفريـق الاحبـاب
الى ان قال
وراكان عـود عقـب ماهـو يغنـي // وعطى المطوعه عقب ماهوب حراب
يابـو فـلاح لحربـنـا لاتشـنـي // مالك علينا نصـر والله لـه أسبـاب
واللـي باهلهـن فاللـقـا عثـرنـي // ست وثمانين حسـاب بـلا قطـاب
وظعونكـم مـع الغلـس سربـنـي // ولاينزلون الا قمر خمس قـد غـاب
وذيدانكـم عقـب الطنـا رددنــي // مابيـن جـلال ومـا بيـن حطـاب
منعقب ماهو شيعين صار سني /*/ وعاف عشب محقبه وعاد مرتاب
البيت الاخير مضيع فيه شوي
وانا بهذا الكلام لااهضم حق الامير راكان بن حثلين بل شيخ وفارس وشاعر قبيلة العجمان وله من الافعال لاتعد ولاتحصى ولكن انت غلطت على شيخ من شيوخنا وذميته وليس هذي اول مره اسمعها من عجمي ولكن عذركم معكم بان قبيلة العجمان تكرهه لان الحقيقه توجع وكلامه يوجع
على العموم هذي نبذه صغيره من تاريخ عجران بن شرفي مع راكان بن حثلين لانه حصل بينهم قصائد كثيره ولكن نعذرهم في وقتهم لان كان بينهم حروب وقتال
واما الان مانقول الا الله يرحمهم جميعا ويغفرلهم ذنوبهم
تحياتي لك