[فوز]

المصــــادر وثـــــيقة و القــرايـح عذاب = ومشعل الحق بيّــــن والفنـــارة سنا
يــا وسيــع المعـــرفة يا عزيز الــجناب = لا يـجي في فــــوأدك لرفيــق شحنا
ولايجي بين عيــنك والحقيــــقة ضباب = للمــــواقف رجــــــال وللنعيم خدنا
من بنى ساس بيـــته فوق سـاسً خراب = بشره في حياته با لشـــــقا والعـــــنا
مايـجيـــنا جــواب لارفـعـــــنا خطاب = و لا نعــننــز بـــجـاه و لا نفك سجنا
وحن ها السلات إلي ما تعض النصاب = للمعادي كعـــــــام وللرفيــــق عـونـا
صـــابرين على البلوى برجــوا الــثواب = وجـــاحـديــن المواجع والصدور دهنا
لين جلـــــع من الغـرنـــوق ولد الغراب = والرفيق المبــــاري عقب بعـده دنــــا
ثم تذكرت والذكـــــرى فتقت الحجاب = عن أمورٍ كنيــــناها وطــــال الكنــــا
من هو اللي فتـــح لربع في الريع باب؟ = في نهــــــارٍ ثوى واحد وواحـد ثنـــا
وليلة العز حــل وليلة الــذل غـــــاب = منهو اللـــــي على راس المحنا حنا؟
ويوم الأربع غداً ثنتــــين وسط السراب = شرق دخنه قبل دخنه تصـيـــر دخنا
ومنهو اللي ثنا كحيلان قدم الحراب؟ = يوم ذولا و ذولا في المضيـــق وزنـــــا
ومنهو اللي شرب فنجال شيب الذياب؟ = شربـــة من شــربـها ردهــا مـا اهتـنا
من يـديــنٍ تــورد صــــاملة مـا تهاب = يوم ربي خلــقـنـا مـا خـلـقـنـا جبـنا
عددوا في المواقف وأن نسيتوا جــــراب = ما نبي لأحـــد منة فضــل وآلا حسنا
ضربنا بالسيوف وقطــــــعنا في الرقاب = عدل الميــــل في المبـــنا وســـاس البنا
تحت راية معزي في سبيـــــل الصواب = ما تـــوانــا عن الـواجـب وهـو ما ونا
احتكم للشريعة في نصـــــوص الكتاب = واستحق الزعـــامــة واستـحـق الثـنـا
عودنا اللي عسى الجنة لروحـــه مآب = طــلـبـة تـتـطـلـبها كـل الأمــة و أنــا
وأتساءل مع نهـــــاية مطاف الجواب = وش شـــــعــور الـمـزارع لا زرع ماجنا؟

مسلط بن شعيفان