ابو عمر شكر لتواصلك
طير حوران يااخي الكريم انا اول من بيعرض هويته للمشرف .. وحتى جوالي لو يبيه منيب مقصر ولكن يطبق هذا النظام .
بخصوص الجنس الناعم على قولتك .. فانا ارى انه قرار حكيم جدا ويستحق ان ينال عليه ابو عمر واخو شما جائزة الاوسكار .. لان ياخي اخواتنا انت شايف وش يكتبن بمنتدى المليحي .. دلع السبيع ودلوعة سبيع واسماء عار علينا وعلى ربعنا .. وانا متاكد انهن مايقربن لنا بصلة .
وحتى لاحظة هذه الظاهرة بمنتدى العجمان ومطير .
انا بالمناسبة للاعمم .. فيه بنات ردودهم مشرفة ومحترمة وهم بنات سبيع اللي نعرفهن .. ولكن لكل مقااام مقال والبنت ماتنفع في منتدى قبلي .. وهذا رايي واتمنى يطبق بكل مجالس الغلبا الثلاثة .
على العموم انا عندي اقتراح اخر دام مااعجبكم عرض الهوية .
رجعوا النظام السابق .. وهو ان الردود ماتنزل الا بعد مايشوفها المشرف .. اذا ماكان فيها سب او كلام بذيء وخفة دم .. تحذف .. واذا هي ردود ومناقشات محترمة تنزل بكل اريحيه .ماعندنا مشكلة.
وانا لااطرح الموضوع الا لسبب واحد ووجيه ابي اتخلص من بعض الاعضاء ابو مشاركة وحدة .. يدخل يفك حرته ويتقيء وينحاش .. يحاول يشوه سمعة القبيلة .
وشكرا لتواصلك .