السلام عليكم
اولاً بخصوص الاختلاف ان ابن هادي قال لابد من يوم يثور عسامه اما على العتبان ولا على يام
وفيه ناس قالة مطير وهذولا اخطؤا والصحيح العتبان والدليل :
البيت المزور على لسان راكان بن حثلين :
الشايب اللي ما تحلل عظامه....عيت تبيده الليالي والايام
لا شب له ضو براس العدامه.....قمنا نربط غالي القش بحزام
(انظروا كتاب ــ شعراء عتيبه ــ للمؤلف / محمد بن دخيل العصيمي / الجزء الاول /صفحة 172 في القسم الخاص بشعر تركي بن حميد (وأنظر الهامش) كذلك انظر كتاب من القائل للمؤلف / عبدالله بن خميس،(وبتعرفون من صاحب هذه الابيات)
ان كان عنك للمسير كرامه * عجل ترى ربعك مشافيق وحيام
كرامة ترث عليكم ندامه * تصبح ذراريكم مراميل وايتام
كم شيخ قوم مطلقين حزامه * من عقب لبس الجوخ قدوا له الخاام
وان كان تطري السيف تفصح لجامه *لو هو على الدوشان ماكان تنلام
واضن هذي الابيات مقاله على لسان ابن قرمله والدليل ان ابن قرمله ايرد على راكان فيها!!!
شلون ايرد على راكان وهو من بدا وراكان اللي رد عليه؟!!
وايضاً فيها انتقاص لقبيلة مطير الكريمه والعزيزه على شخصياً
صحيح انه كانت بينا حروب وياما خذيناهم وياما خذونا وهذا حال الاولين لكنهم كانوا جيران لنا ونعم الجيره وربع وعواني وريجيل طيبين وكلامي مهوب موفيهم حقهم
وبالنسبه لسالفة العجمان وقحطان كانت مجرد مراسلات بالقصائد والقائل ان قحطان هربوا من شلفا حبيشي عمره خمسة عشر سنه والقائل ان العجمان استنجدوا بالحاكم ابن سعود هذه كلها من مزايدات العوام ولا تصح
والسلام ختام