[أبونواف{الثوري}]

بسم الله الرحمن الرحيم




أخوانـي الأعـزاء أعضـاء وزوار المنتـدى الكـرام


السلام عليكم ورحمة الله وبركاته :


أرجو أن تقبلوا أسفي الشديد فقد حصل مني خطاء غير مقصود أثناء كتابة هذه القصيدة وهو في البيت السادس عشر وتصحيح البيت هو

{يبغانـي أخضع لـه ترى طافـي النــار = وأصير مثـل اللي لأمــره يخضعون}

أبدأ بذكـر اللـي علـى الخلـق جبــار = خالـق جميع الناس وخالـق لنـا الكـون
رب رحيـم بـأمــره تـدور الأقــدار = إرادتـه تنفـــذ على الكـاف والـنـون
ومن بعد أبا أرسل من ثمينـات الأشعـار = وسـلام مني بأطيـب العـود مدهــون
يا صـل لرجـل لــه معـزة ومقــدار = اللي من أفضالـه له أصبحـت مديــون
قائـد شجـاع بفعلـه الخصـم محتــار = وحسـاده من الهـم ما عــاد يمسـون
ياالله عسى الصولـي من طـوال الأعمـار = وعسى الرخـوم اليـوم للقـرم يفــدون
شهـم كـريـم وفي الصعيبـات صبــار = وبحكمتـه صعـب الشدايـد ترى تهـون
بأشكـي عليه الحـال ووقت علي جــار = ودنيـا غريبـة كـل يـوم لهـا لــون
فيهـا يـهـان الحـر ويذوق الأمــرار = ومن سلطـة الأنـذال بالحيـل مغبــون
أصبـح ردي الأصـل حـاكـم وأمــار = على النشامـا صـاير اليـوم فرعــون
با سألك يا الصولـي عن الشيخ خنكــار = وش ديرتـه اسـأل عنه من يعرفــون
أهـلــه تـرى للمملـكـة جــو زوار = اللـي لبـيـت الله جـونـا يحـجــون
وبنـوا لهـم جنـب الحـرم منـزل ودار = وتجنسوا و صـاروا بوطنـا يعيشــون
و جلـس ولـد خنـكـار بكرسـي ودوار = وأصبـح مدير وله عساكـر يطيعــون
ولا شـافنـي كنـه يبـي منـي الثــأر = أو شـاف شيطـان من الجن ملعــون
يبغانـي أخضع لـه ترى طافـي النــار = وأصير مثـل اللي لأمــره يخضعون
ما يـدري إني حـر ومن نسل الأحــرار = المـوت يرضـونـه ولا عيشة الهــون
بانصـاك أنا يا مكرم الضيـف والجــار = لـك ماقـف عنه النشـامـا يعجــزون
في وضعنـا من فضلـك تلـد الأنظــار = وأصـدر قـرار فيه الأفـراد يرضــون
من صابنـا بإدارتـه بعـض الأضــرار = وشلون ترضى به على النـاس وشلـون
وصـلاة ربـي عـد همـال الأمـطــار = وعداد من طـافـوا بمكـة ويسعــون
على النبـي الهـاشمـي خيـر الأبــرار = اللي عليـه عبــاد ربـي يصلـــون

هـــــــذا ولكم مني جميعاً كل تحية وتقدير واحتراااااااااااااااااااااام