مشاركة أولى أتمنى أن تحوز على رضاكم 0000
أحياناً تكتب الحرف ...فيصبح قصيدة000
وأحياناً أخرى ترسمك مرارة الموقف 00لتكتبك معاناة00
تكـدر الخاطـر وأنـا بآخـر الليـل=وهـاج الضميـر وجاوبتـه القريحـه
وهلت حروف الشعر تشدى الهماليـل=مثايـلٍ نــوبٍ ونــوبٍ نصيـحـه
واركيت في صالي ضلوعي المعاميـل=وفاح الصبـر منهـا وشميـت ريحـه
وبهرتهـا مـن دون بـنٍ ولا هـيـل=كيـفٍ يـداوي كـل كبـدٍ جريـحـه
وصبيـت منهـا للنشامـى فناجـيـل=أهـل المعرفـه والعقـول الرجيحـه
النايفـيـن ..العارفـيـن.. الحـلاحـيـل=المدركيـن أهـل الوجيـه الفليـحـه
إللي لهم فـي وسـط قلبـي مداهيـل=معـزةٍ فيهـا المشـاعـر صحيـحـه
صدري على ربعي تطارد بـه الخيـل=وسيع واوسع مـن فجـوج الفسيحـه
مانيـب أجازيهـم بصـد وغرابـيـل=وإلا أبدل حسنـهـم بالقبـيـحـه
حتى ولو ضاقـت علـي المحاصيـل=وصارت مناهيـل المراجـل شحيحـه
أرفع معزتهـم علـى نجمـة سهيـل=وأقـول كـلٍ ياعـسـى الله يبيـحـه
ولانيب أجازي راعي القـول بالقيـل=ويح اللذي يحكـي بالأجـواد ويحـه
بعض الربع تحرص على رضاه بالحيل=نفسـك تبـات بشوفتـه مستريـحـه
وشخصٍ إلى قفا عسى دربـه السيـل=طـرد المقفـي يالنشامـى فضيـحـه
واللي يتردى في علوم الرجاجيـل=ياسـرع بقعـى ماتعجـل مطيـحـه
نوفي الحقوق ونجزي الكيـل بالكيـل=وكلٍ إلى جـا الجـد يعـرف نطيحـه
تحياتي للجميع
يسعدني مروركم على موقعي الشخصي
www.almojaly.com