بسم الله الرحمن الرحيم
( راع الوفاء )
هذه أيهاْ الأخوه الحلقه الثانيه من سلسلة عباديات أتمنى أن تنال رضا الجميع
[يقول أبن عباد /
قم يا نديبي و ارتحل لك نجايب = حمر بسعر الرخص ماهي تباعي
وليا خذيت العلم من راس شايب = صدر و ورد بالعلوم السناعي
بلغ سلامي و قرنه بالرحايب=للي جنابه ريف غالي الطباعي
قل للذي يشكي زمان العجايب=مالك على حكم الزمان استطاعي
غريبة الدنيا و فيها غرايب =حتى العمى فيها لبس له قناعي
ما عاد تفرق بين مخطي و صايب=صارت على ما قال شي أنطباعي
الصاحب اللي وقت الأحداث غايب=كثرة ظروفه من جهود المساعي
راع الوفاء دايم دروبه شبايب=وبالصبر يقطع له فجوج وساعي
يا صاحبي وش يودع الظن خايب=لاصرت في بعض الأمور اقتناعي
المشكله في الوقت لا صار عايب=وتهون لأصبح صاحب الوقت واعي
الوقت ياخذ بس من غير جايب=لو كان ماله بعض الأحيان داعي
بعض الليالي تجعل الدمع رايب=ينصاع في التيار من لا يراعي
القلب من حر اللواهيب ذايب=له من عذابه كل يوم التياعي
من سب له ناس بليا سبايب=بين الملا لو يخفي السر شاعي
ان طاب جرحي خاطري صار طايب=وان زادت جروحي فقدت امتناعي
كم واحد في بحر الأحلام سايب=يلعب به المركب بليا شراعي
من ذاق سم الداب جر النحايب=واللي تصنع بين انه صناعي
وأن ااعتقد ما شخص عن شخص نايب=الكل عن نفسه يذود و يداعي
[/poem]وسلامتكم[/left]