هذه قصيدة تهنئة وتبريك بمناسبة رجوع الشيخ / صحن بن غنيم بن شويه السبيعي من الخارج بعد نجاح العملية وتكللها بالنجاح والحمد لله وفوز إبله الشعل بالنخبة والمركز الأول في أم رقيبه هذا العام 1426هـ. والشكر لله
ابتدينا والبداية تسر الحاضرين = ذكر رب البيت محيي العظام المستعان
بسمه ابدأ بالقصيدة وأنا عندي يقين = إن ذكره للقلوب الشفاء والاطمئنان
بعدها يا واهج الشعر هات لي الثمين = في متيهت العشاير وفي هذا المكان
فبو بندر ذخر ربعه على مر السنين = لا شكو جور المهمات وأشتد الزمان
يستحق المدح والمدح قدر الطيبين = حان وقت المدح والشعر في راعيه حان
فرصته ذعذع هواها وصارت فرصتين = مدح محمود السجايا ومدح الشيعلان
أمدحه وبنا الحمايل القولي شاهدين = أمدحه بالفعل ماهوب قولاً باللسان
ورث أبوه ورث جده وحنا خابرين = ورث متعبت الركايب ومتعبت الحصان
ربعنا اللي روسهم لا تهان ولا تلين = من مذاريب القبيلة وشان سبيع شان
وبو بندر مخلق النهج نهج الأولين = والأخوان أعضوده اللي له ضلوع أمتان
أفتخر فيهم وماريبهم في كل حين = نعم والله بالمعزب ونعم بالأخوان
ونعم والله يالأعيال الهداة المخلصين = عند أبوهم ما توانو وبان الفعل بان
أفتخر فيهم نوادر أحرار بارزين = والمواقف للنشامى نتايج وامتحان
عاش خالد وكثر فالدعاء يا سامعين = لمن وضع نفسه وعضوه لبو بندر رهان
هكذا فعل الولد في حقوق الوالدين = والده يحتاج رد المروفة والحنان
والحقيقة فعل خالد بناء صرحاً متين = يقتدي به كل نشمي ويتركه الهدان
يا عيال اللي لربعه ذراء خطل اليمين = في جزيلات العطايا وفي ذبح السمان
راعي الشعل النوادر بها متفاخرين = في مقر المحتفل فازت الشعل الزيان
أخذت الأول وفازت وحنا فازين = فوزها بأسم القبيلة وكون له كيان
أخذت النخبة بليا وسيط ولا عوين = بعد توفيق من الله وترشيح اللجان
رشحوها صادقين الرجال المؤمنين = عشرهم في كلمة الحق ما ترجع ثمان
وكل عام تحقق الفوز وأنا طايلين = تأخذا الأول وتعجب حضور المهرجان
والجوايز من يدين الملوك العادلين = جت بها شعل العرينات والمطلوب كان
يابو بندر فرحة سبيع صارت فرحتين = عودتك سالم وفازت لنا الشعل المضان
البيارق رفعوها كعام المتعدين = بعد سمعوا بالنتيجة وتصريح البيان
من ثراء الصمان مربا مهجرعت الحنين = لا جنوب أحدود رنية مع أكلب وقحطان
ترفع الرايات ربعك كعام العايلين = فايزين بدون منه فلان ولا فلان
الشكر والفضل لله رب العالمين = ثم لحكام الجزيرة شيوخ الصولجان
باذلين جهودهم كلها ومواصلين = دعمهم للبل وهلها ولافيه أمتنان
للمواطن والوطن باذلين وصادقين = قصدهم نهضت وطنا وتوفير الأمان
يشكرون بما سعو به ومولانا يعين = من عطاء جزل الجوايز لعله ما يهان
وفالختام أشكر صحن عن جموع الديرتين = جعل يفداه المنافق ويفداه الجبان
اجتهد لذود وابناء سبيع مقدرين = وقفته عساه سالم من صدوف الزمان
يا سلايل قمة المجد يالحصن الحصين = جيت أهنيك السلامة وفوز الشيعلان
من شعر الشاعر والراوي :
ذياب بن دحيم السويدي السبيعي