[المسمار]

السبيعي 123 كيفك يالطيب .. ان شاء الله انك بخير وطيب ..

اخوي شف مسألة التحديد وتأكيد ان القبيلة الفلانية أكبر من القبيلة العلانية صعبة جدا جدا ..

انا الآن يوم قلت ان حرب كبيرة ما قلته من تخمين او احساس لا والله .. انا قلته عن واقع .. انت لا تقيسها بتواجد في منطقة وحدة .. لا .. الحين منطقة المدينة المنورة تقريبا نصفها او اكثر كلها حروب كذلك الحال مع منطقة القصيم .. حائل تنتشر فيها حرب بشكل كبير لكن لا يقارن مع قبيلة شمر .. شمال الصمان كله حروب لين توصل الكويت .. كذلك الكويت بها تواجد كبير للحروب .. منطقة الدوادمي وعفيف اكثرها عتبان لكن الحروب لهم تواجد كبير فيها وديار كثيرة .. شمال منطفة مكة المكرمة كله حروب .. جنوب منطقة مكة المكرمة (( القنفذة والقوز والليث )) كلها ديار حرب .. وللمعلومية كثير من افخاذ حرب يتسمون بأسم فخذهم فتجد مثلا :

العوفي ..
الوسيدي ..
الصبحي ..
الشيخي ..
الرحيلي ..
الأحمدي ..
الحجيلي ..
هذولي كلهم حروب بس بعضهم يكتب فخذه بدل ( الحربي ) ولا فيها شي أبد .. هذا خلاف اللي يتواجدون في كل مناطق المملكة تبعا للرزق .. عندك مثلا الخرج أكثره قحاطين ودواسر وحروب .. طيب الخرج مهوب ديرة من ديار حرب ؟ الجواب ان كل مواطن سعودي كل السعودية ديرة له فهم عاشوا بالخرج من زماااااااان واستقروا فيه استقرار دايم ..


نفس الكلام ينطبق على مطير .. فمطير ديارهم بالمدينة والقصيم وعفيف والدوادمي والمجمعة بشكل كبير .. كذلك الصمان تقريبا 80 % ديار مطير لين توصل الكويت .. وأكبر قبيلة بالكويت هي مطير .. خلاف اللي منتشرين بمناطق المملكة تبعا للرزق ..


هذا رأيي وناخوك ورأي كل واحد قد راح للمناطق اللي ذكرتها انا ..



اخووووك :


المسمآر القحطاني ..