[وافي السبـيعي]

	هذا رد الولد على ابوه حي الجواب اللي لفانا من الراس جابه غلام ماتوانا مسيره.......... اهلا هلابه عد ما صيغ قرطاس... او ماكتب فوقه بيوت شطيره..... جواب من هو لي مود من الناس ابوي مايوصف حلي لغيره...... فرز الوغي كنه عى الوكر قرناس قروم ربعه كلها تستشيره......... دليل عيرات الى هب نسناس.... ثم ادلهم الجوومابه ذخيره....... مهفي الغنم لاهل الركايب والافراس لى روحوا بيته عليهم قصيره..... راعي معاميل لها العبد جلاس.... للبن يشري بالسنين العسيره..... هذي بمركاها وهذي بمحماس.... وهذي يصبها للوجيه السفيره... وخلاف ذا ياراكب فوق عرماس مامونة من نقوة الهجن عيره.. حمرا وهي في سنها وقم الاسداس بالسن لافاطر ولاهي صغيره.... ماهي لحوم راكبه بالعصا قاس. حرم عليها غير شيل النجيره... والخرج هو وبيوت هيل بقرطاس مع مزهب الايام ماهي كثيره... وفوقه غلام منيته قطع الارماس لوهو بليل ما تغير نظيره...... والى لفيت الدار فاجهر بالاحساس وبلغ سلامي كل ذيك العشيره.. واختص ابوي اللي نفل جملة الناس وخصه بعلم وقل تراني بشيره. لا..يانجي .العرض يابوي دباس ان كان تشكي الضيم فانا اسيره وان سايلك عني تراني بنوماس وانا احمد اللي ما اتوسل بغيره المدح لويشرى شريناه باكياس باموالنا نرخص ندور الستيره مطرق فرنجي مصاويبه الراس ومصلبخ جبته عسانى ذخيره.. من صنع نصراني مشروبه الكاس يذكر وراجاوه بعيد مسيره..... ابغيه للي حادينك على الساس اهل النمايم والحكايا الكثيره. ربع نووافيك الردا والتخساس مهبول يا اللي قال غايب عشيره على حق لاودع الجمع ينحاس لين العشير يقوم يلعن عشيره. يابوي انا ما رحت لكيفة الراس مع ذا ولاني في سفاه وغيره. ان ماسكنا الدار من غير هوجاس والا نعاف الدار وندور غيره. كله لعين كلمة قلت يا دباس.. تشكي وانا دوني بحور غزيره خذلك يمين الشرع قطاع الانفاس انه فلا جتني علوم بصيره... ولاخبر جاني ولا حبر قرطاس ايضا ولا جتني علوم سفيره.. يم البحر مشروبنا فك فنطاس والماء هماج . منه كبدى غثيره ان كان تشكي الضيق يابوي لاباس جاك الفرج يابوي هو والبريره والا فانا يابوي قطاع الارماس اصبر على الشده ولوهي عسيره يامسندى يابوى شوف اوكد الناس ثم انشده قل ويش هو في مسيره ان كان ما يفرح صديقك بنوماس تحرم علينا اللي نهوده صغيره مدلول مجهول زهازين الالباس بنت الذي يثني الى جت كسيره طاريقول اظهر وطار بجلاس قمت اشرب التنباك واثره نكيره ابغي عسى الله يبرد القلب ياناس من لاهب شبت بقلبي سعيره.. ومن كان له غايب فلا يقطع الياس ان قدر الله جاب علمه بشيره. ...