[محمد الغييثي]

السلام عليكم و رحمة الله

أخي مسلط 22... صراحه تعجبت من كلامك وياليت تزودني بمصادرك
لأنك نسبت كل الدواسر و أحلاف الدواسر لبني عامر, و هالكلام غير منطقي

أولاً قلت ان البدارين شيوخ الدواسر من قشير

كانت الأماره في قديم الزمان لعامر بن بدران بن سالم بن زايد ومن بعد خروج أولاده من الوادي انتقلت للوداعين ثم للمساعره

فكيف يكون بدران أبو أمير شمل الدواسر من قشير
ولو كان من قشير كان ما انكر هالشي, فالي بينه و بين جده زايد فتره قصيره حوالي الـ100 عام فمستحيل يلتبس عليهم هالشي

و الغييثات هم أبناء غياث بن صهيب بن زايد, و أذكر قصيدة مشهوره للأمير عامر بن بدران عند اشتعال نار الفتنه بين الغييثات و ابناء عمهم المخاريم

يقول ابـن بـدران مسقـي حريبـه=مـرٍ علـى كبـده تزايـد وقـايـده
يقـول ابـن بـدران مقـدي مثايلـه=مثايلـه فيـهـا قـريـع وعـايـدة
كـب الغييثـي يـا المنيعـي وخلهـم=ترى حربهم ما ينلقـي منـه فايـدة
يزيد الفتى الرجال في مطلـب العـلا=ولا طـرد هـزلات المعانـي بزايـدة
مجاهيل حرب من صهيب بـن زايـد=لا اشتـد مجهـود تلـقـوا لكـايـده
سواقة المظهـور مـن يمـة العـدا=حريبهـم منهـم كـبـار غـدايـده
كم هجمة من ضدهـم زوعـوا بهـا=وجا الحول ما جمـع بقايـا رفايـدة
أقـول ذا وأنـا علـى سـرج عنـدل=مبريـة الذرعـان بالفعـل زايــده
عريضـة الهامـة طويـلٍ معنـهـا=ماهيب عن عركـات الأبطـال حايـده
باقفايـة الفرسـان للطعـن تنثـنـي=وباقبالـة الفرسـان للخيـل زابــده
عليها فتى مااهتز قلبـه مـن العـدى=شلفـاه لبطـال المناعـيـر ذابــده
شكوا ضربها لشراف في حومة الوغى=مضاريبهـا بنحـور الأبطـال جايـده
حريبنـا نسقيـه كـاس مـن الطنـا=وبالعيد في شهب النواصـي نعايـده
وصديقنـا يستـر قلـبـه بقربـنـا=ونعطيه من لعـراف ماكـان رايـده
حريبنـا يشكـي مضـارب اطعوننـا=على شمخ الأعنـاق تزهـى قلايـده
ودخيلنا يلقـى الـذرى فـي بيوتنـا=لنا الناس بالمعروف والفعـل شايـده
وحريبنايلقـى العنـا عقـب حربـنـا=نوريـه بظهـور السبايـا زهـايـده
وصديقنـا والجـار نجزيـه بالرضـا=مايزعلـه حـي ولا أحـدٍ بسـايـده
وديـارنـا ماهـيـب دارٍ لغـيـرنـا=كم صايدٍ من دونهـا الرمـح صايـده
نسعـى بدنيانـا نبـي طيبـة الثنـا=وأيامنـا تبـق والأعـمـار بـايـده

لو قرأت هالقصيدة تلاحظ انه وصف الغييثات بأنهم مجاهيل حرب من صهيب بن زايد و الأمير عامر بن بدران كان معاصر لأبناء صهيب بن زايد (جري-حسن-موسى-عيسى-غياث)
فصهيب يصير أخو جده -سالم بن زايد-

كذلك تقول ان آل ابو سباع من بني عامر؟؟ ابحث عن قصة الفارس سباع المسعري الدوسري فهي موجوده بهذا المنتدى
و ذكر فيها ان ابن أحد امراء الدواسر (أمير المساعره) تزوج بفتاه ضلت عن قبيلتها و بعد سنين عرفو بأنها من قبيلة زعب

وكان ابنها سباع من نسله آل ابوسباع, فكيف صار من بني عامر؟؟

و قلت ان النتيفات من بني عامر, النتيفات سموهم بهالإسم لأن جميلة من الدواسر تركوا موطنهم الهدار و انتقلو جهه الصمان
وانتقل أغلبهم إلا عدد قليل سموهم بالنتيفات لقلتهم و هم من تغلب من وائل بن ربيعه

فيا أخي الكريم ما يصير تدخل قبيلة بكاملها في بني عامر.. كلامك غير منطقي
و الحلف موجود في جميع القبائل, و الدواسر ما ينكرون قضية الأحلاف
فقبيلة الدواسر حلف بين آل زايد و تغلب
ودخلت فيها جميلة و آل جعيد

انا بانتظار ردك يا أخي الكريم و مصادرك