صوت وصـ4ـدى وتم تنزيلها بناًء
على طلب بعض الاخوة وخاصة
ابو يزيد واتمنى ان تعجب الجميع
ـــــــــــــــــــــــــــــــــــــــــــــــــ
يابو حمد قـلبي عذلته ولا طاع
امشي وراه ولاحسمت القراري
غديت بين امرين مدخل ومطلاع
خط معـه روحي وخـط ٍ اجـباري
قصة لها مضمـون تنفيـذ وابداع
مافسروها في صـحيـح البخاري
مجنون يمكن بس في لحظةٍضاع
يومه على ممشاه والليـل ساري
انا هويـت صغيـر جاهـل وخداع
يـلعـب بقـلبي مايـعـد اعـتـبـاري
قـربـه تـراه بـعيد وابعـاده انـواع
مافيه امل مهما يطـول انـتـظاري
يابوحمد بين السماء فرق والقاع
أحسب مسافات الزمن وانت داري
يشري غلاه الكل واللي شراء باع
وأمـرالله المكتـوب فـوق اختياري
يابوحمد مشكاي هات الخبر ساع
واحذر تجيب آلآهب الشوق طاري
ــــــ الصوت ـــــ السبع501 ـــــــ
حي الله اللي يؤفي المد بالصاع
والفٍ هلا يابن السباع الضواري
ناديت لي بأسمي وانا جيت فزاع
في حاجـتـي والا تـريـد اختبـاري
وانا لها في بوجيه الاقدار قـطاع
بالمـال والحيـله وروح انـتحاري
الوقت قسمته على ثـلـث وارباع
كـله لعـيـنـك ماذخـرت اقـتـداري
ولقيتهـم بأحسن مصيفٍ ومرباع
ياعـزوتـي والله جمـعهـم جـواري
هوج وموج وفوقها طقت أصباع
باطـراف يـوم ومظلمات الغـداري
وعاينت بالمعـروض ماني بطماع
وساومت بالأثـمـان مانـي بشاري
والصـدق ماودي لقـلبك بالأوجـاع
وإلا البضاعـه خـاسرة باختصاري
ـــــــــ الصدى ــــــــــ منقول ـــــــ