[جزل العطايا]

نوض الحزن شعشع وهلّـت نوّتـه=على ضلوع الصدر والبارق ظـوى
ضوت على قلبي الهمـوم وضوّتـه=واقتادني في جرهـدٍ ذيبـه عـوى
أجر قافـي مـن قهـر واصوّتـه=واقول ياقلب العنا ( مالـك لـوى )
الصاحب اللي.. ما احكمته امروّتـه=عندي ترى لقيـاه وفراقـه سـوى
لاصـار ينسـا واجبـي ويفـوّتـه=كيف آعنالـه دامـه لوصلـي ذوى
آفنيت حالـي طامـعٍ فـي خوّتـه=واثره يحسب انـي بمدتـه آغـوى
لا والـذي يحييـه ثــم يمـوّتـه=والعبـد مايكتـب لـه الا مانـوى
انـي ولـو يمنـاي حبلـي طوّتـه=ما امدّها لو مـت وايديـه الـدوى
اللي يظـن ان كثـر مالـه قوّتـه=لو صابه ادنى جرح فينـي ماقـوى
روتنـي الايـام مــالا روّتــه=ولايوجس .. اللوعات قلبٍ ما انكوى
اسوته في بالـي الظنـون وسوّتـه=واليوم نجمه عن سما عيني هـوى
باصد عنـه وابتعـد عـن زوّتـه=وان لمتني ياقلب لا ( مالك لـوى )
الصاحب اللـي ماتنومـس خوّتـه=الله يسهّل خطوتـه كانـه نـوى .؟

علي بن مشرف