بسم الله الرحمن الرحيم
الاستاذ القدير/مسلـــــط نقل رائع بيض الله وجهك واسمح لي بتنسيق القصيده
قال الشاعر ابوعلي الدخيل
الله من هم بصدري بدا يجيش= يزفر كما البركان بصدري الى جاش
لو يضرب جبال الهدى طيره ريش= وخلى الوطى من تحت الاقدام تنخاش
وفكرت في دنيا بها الخلق ما تعيش= واخذت انا في بحر الافكار مطراش
يقطعك يادنيا تزعم بها الديش =بوقت تغير واصبح الراس منداش
ولد الحمولة ذل وزمر احتيريش= وقامت تمخشنا سلق طاش ما طاش
ناس مثل وصف الهلايم قرافيش= ولو جبتهم للبيع عيفوا بلياش
ولو قمت افتشهم عن الطيب تفتيش= للقى دواخلهم حثاريب واقشاش
لا قام يمدح لك بنفسه بدا يطيش= ما كنه الا اللي يسمون هتاش
وهو حثال من حثايل دراويش= عايش مع الطيب سوا مثل من عاش
احب انا الطيب ولو منا عطانيش =والا الردي لو يبذل المال حتاش
يا رايحن يم القصبجي وابو خيش= زميله السدحان للكذب محواش
قله عليكم من هل الفكر تفتيش= وبين خطاكم ما على الناس يخفاش
تمثيلكم كله سبايب وتمخيش= تجار هرج ما بكم عز واعراش
الهزو في شيباننا والغلط ليش= ويش الهدف اللي تريدون يا خياش
اما تركتوا سب عماش وعميش= والله لاشرشحكم مثل شغل مخلاش
واحذركم الكهرب شبكناه بالفيش= وانتم بزارينن تحدون بفلاش
وان كان عندك رد هاته وتلطيش= دونك مطوع عسر الامثال عفاش
المرجله بينك وبينه لواء جيش= مالت على خطو الحثاله وما حاش
حقرانكم للناس ما يجيب لكم عيش =ومعيبة في منطق العقل والجاش
الهزو في شيباننا فيه تغشيش= غشيتوا المشاهد بتزييف ابو شاش
اذناب ناس بالحكيا مطانيش= نافخكم المدحور والريح تنفاش
ان كان طموحاتك بعيشك تبي تعيش= فانتم وانا وفلان ولدنا ما معناش
وان كان طموحاتك لكسب المعاويش= فالكلب في دنياه عايش ومعتاش
ما ينفع الطماع اكل البخاشيش= ومن لا يتنومس خاب حظه ولو عاش
وانتم سالمين والسلام