نيابة عن ابويزيد ولاعجابي بالأبيات استميحكم عذرا لوضعها في برواز وتنسيقها
الابيات الاولى من قصيدة رد بها الشيخ مخايل الغرب على احد شعراء الغريف حيث قال شاعر الغريف
ماعاش من يزعلك ياراس بالناس =ولا عاش من ضاهى معزتك عندي
قلت الحقيقه والحقيقه مع الناس= يشهدبها لاخفيت ياشيخ سدي
ولاهي غريبه راس قوم ولد راس= واى زعلتوا من يضد المضدي
لاباس ياابن العم لاباس لاباس =ارجوا السماح ومايصافيك ودي
فرد الغربي بهذه القصيده
يامرحبا بالخط من طيب الساس= ويامرحبابه من عزيز يودي
اهلن هلن به عد ماشق الانفاس= ومن بالحرم مطاف واللي معدي
انت الذي من طير حوران مساس= وانت الذي عد فعولك تسدي
فرخ الحرار منتب ولد قرناس= ويمناك في لطم الحباري تشدي
جانا جوابك يالبليهي من الراس= وردي عليك اليوم لابد بدي
من ينقل النمات بالناس بلاس= شيطان انس لا يجيب اويودي
ولاداخلن ياشيخ فيكم بوسواس= ولاادخل بهم ياشيخ ليحان سدي
هذا وانا مااسمع لكوناولاواس= وابياتكم ياشيخ جتني لحدي
ربعي سبيع متيهة كل عرماس =وربعك سبيع اللي تضد المضدي
اهل العبيه معسفة قحص الافراس= وخيالة الغلباء نهار التحدي
وكسابة للعز من فوق نوماس= وايضن ترى جيرانهم ماتشدي
والختمه صلوا عد ماهب نسناس= على الرسول المصطفى والمقدي