شب الزمن جمرة يسمونها الصيف = والصيف ماهو بارتفاع الحراره
الصيف والله لاجفوك المواليف = وبقى لهم بالصدر قدر وصدارة
تسمع لهم في وسط صدرك سواليف = ما اكنهم غابو ولابه زيارة
وظليت تحسب للوفاء والمعاريف = وتقلب اللى فات تارة وتارة
تارة تقول العزم صبر على الحيف = وتارة تقول الصبر كله مرارة
ومن كثر ما تطري عليك التحاسيف = تقول راح العمر كله خسارة
لو الزمن مرة يجيني على الكيف = مقدار ما يفهم لبيب الاشارة
بشرت غلطاتي بحسن التصاريف = واخذت من نفسي لنفسي بشارة
وش يحرج الرجال غير المواقيف = اللى تنزل هيبته واعتباره
والله لو تعرض رقبتي على السيف = اهون علي من الندم والخسارة