[وافي السبـيعي]

قصيده من ديوان احد شعار سبيع ولكن الموالف لم يذكر اسم الشاعر
والقصيده الحقيقه انها قصيده جزله واعتقد والله اعلم انها للشاعر نفسه
ولكن تجنبا للشك وعدم ذكر اسم الشاعر لم يتم نسبها لاحد

يقول من جور الليالي غدربه =الوقت قاسي والليالي شحيحه
قدمي وقف وقتي وسيفه شهربه= حتى قبس بيني وبينه قديحه
وغارة معه ظبعه ونفاخ ذربه= والهم خيم والظمائر جريحه
وراع الشليل اللى كفخ وانعثربه=اللي صميله بان فوقه نضيحه
ولالي على مثله مشاريه ذربه=خطوى الكديش اللي عريض فطيحه
اللي سواته يقط الله سربه=مامن ورى وجه العثيره مديحه
اشره على اللي موقفه يفتخربه=وقد شيفله بالطيب وقفه وليحه
وش لون قيم موقف ماحضربه=قدام لا تعرف خطاه وصحيحه
واللي يتاجر بالردى ماتجربه =تبقى العلوم اللي صريحه صريحه
واشوفلي فالوضع والامر غربه=ومستغرب فامر العقول الرجيحه
ان كانها للعلم فرحه وطربه=صحنا على المجنون تسعين صيحه
مانيب من علم الردى ينذكربه=هذا الصحيح وناقص العلم زيحه
كم قمت فالواجب وحليت كربه=بالمال والا الجاه والا النصيحه
يوم الردى ينضح على المتن غربه= حنا مسترت العلوم القبيحه
واليوم مانبغي من الحسو شربه=مانيب مصاص العجم واللتيحه
ولو كل رجال ندير النظربه=يالمستصن اني لا طلع فحيحه
لاكن هذا منهج ماعبربه=ولاضاقت بوجهي دروبي فسيحه
ووقت الشقى عبره لمن يعتبربه=وين الرجال أهل الوجيه الفليحه
اللي لها شيمه وجاه وحربه=أهل العلوم الطايلة والمليحه
رجاله من قاربه حب قربه =مايغتنم زلات ربعه ذريعه
والا زمان اليوم كل هذربه=لوه نقيصه مايساوى ذبيحه
يشبه لحصني ربظ وسط زربه=ماتشوف وجهه بس تسمع ضبيحه
خدش بلقم العيش يعجبك ضربه=وللواجبه ينحاش زين السنيحه
ومن فيه يصنع طيب بكره نكربه=وفالهوش يجفل مايقابل نطيحه
وحمل المراجل عاجز ماقدربه=دخان كير يعمي العين ريحه
وعن حاجة الادنين نفعه قصربه=ويجزع اليامنك كسبت المديحه
مصلاح في علم الردى لانشربه=وليا كشف سر لزوم يبيحه
وان مرله وادي سناوي حدربه=ومتساويه وقفته والامطيحه
تم الكلام اللي لساني نبربه=قلته بعد هاظة على القريحه
بنوادر تعمر وفا وتعمربه=ترجمتها بالابجدي والفصيحه