[وافي السبـيعي]

ياناس أسمعوا قصة واحد بالسجوني = يقول ذبح السيف مانيب iiهايبه
يقول أرحم بالرصاص أقتلوني = والعين ملفـوف عليهـا عصايبـه
لعل بعض الناس مايعرفوني =ودي لـو التنفيـذ والشمـس غايبـه
أنتم عرفتوا قصتي وأرحموني = أخاف لاتلحق على أبـوي عايبـه
لويعرف عني أني مروج أفيوني = ولويدري أني للمسلميـن iجايبـه
ومدمن حشيش ومثقلن بالديوني = يدعي على ودعوة العود صايبـه
ولاتخبرون اللى بطبعه حنونـي=الوالـده تكثـر عليهـا مصايبـه
أخاف لادريت يصيبها جنوني= وتصبح عليله عالـة علـى iiشايبـه
من ضاع عقله ماتفيد العيوني = والعقل من مـد iiالكريم...ووهايبـه
واللي جرح قلبي وزود طعوني= وروحي عليه من أول العام ذايبه
مشعل ونوره والبقيـه تهونـي = حياتهـم عقبـي ماظنيـت طايبـه
وياكيف ربعي مت مازاوروني = وكيف الفتى ينسى من أقرب قرايبه
كله سبايب شلة دهوروني = وصار الثمن راسـي وفوقـه نصايبـه
حسبي عليهم شلة ضيعوني = حتى أني شفت الموت تجهز iiركايبـه
ولا أنشدوا عني ولاكيف لوني= وأنا أحسب أيامي وأعيد بحسايبـه
الله يرميهم مثل مارمونـي= فـي عثرتـي أليـن طحـت بنشايبـهم
اطعت يوم الطيبين نصحونـي= ولاينصـح الأنسـان ألا حبايبـه
وياقادر أمره بين كاف ونوني= خالق عباده بيـن صلـب وترايبـه
عّوض علي دنياي وأحسن ظنوني =وأغفر لمن نفسه عن الشر iiتايبه
وياللي حضرتوا مقتلي سامحوني = هذي نهاية قصتي مـع سبايبـه

لا حوال ولا قوة الابالله

قصيده مؤثرة

اخي الله يجزاك خير على النقل