من اشهر قبايل الزكور من سبيع من القبايل ذات القوه والشكيمه وقد عرفوهم الناس من سبيع وغيرهم بقوتهم منعتهم وحسن معاشرتهم وسرعة نجدتهم من قبايل الزكور البدو أي اهل الابل والخيل ابلهم اشتهرة بجمالها ولطالما تمناها الغزاه وشدوا اليه الرحال وشنوا من اجلها المعارك الطاحنه ولكنهم عيوا علي ابلهم بضرب رماحهم وسيوفهم وبخيولهم الاصايل انهم قبيلة الفراعنه انهم الاد علي واحدهم فريعني في هذا الموضوع اخواني القراء نتحدث عن هذه القيبله التي طالما افتخرنا فيها وبافعالها اللي ترفع الراس وقبيلة الفرعنه اشهر من نار علي علم ولوكتبنا عن مفاخرها لتعيت ايدينا وعيوننا لم يكفي مجد هذه القبيله العريقه كتب او دواوين سوف نتطرق في هذا الموضوع وباختصار شديد علي بعض ماقيل في الفراعنه وبعض اشهر رجالهم
*اولاً بعض ماقيل في الفراعنه
يقول سعد الدوسري يمدح واحد من الفراعنه بعدما اكرمه غاية الاكرام وهو عبدالله ابن غريب
من لابة يردون غوص المصاليب**** فراعنه لاعد كل سواله
ويقول اخر في سعد ابن فراج الشهم الكريم في قصيده طويله
سلام ياشيخ الطلاحين سلام**** عداد ماهلت قنوف الخيالي
ويقول شاعر دوسري
شيوخ علي الهيجاء يسوقون الارواح**** كم جندلوا من نادر مايهازي
ويقول الفارس محمد بخيت العطاوي
مير دونه قيفت سبع العشاير**** قوم ابن محبوب حالوا دون خلي
ويقول الشيخ سعد بن قطنان الفارس المشهور
حي المراح اللي به الوفل خلي**** وفل القهاوي يوم توقد بها النار
يادار وين اللي جنابه يسلي****ابو كمهان مسعد الضيف والجار
لاكان في عسر ولاكان قلي**** منوة هل الضمر مودين الاخبار
انحمد اللي حطهم لابة لي**** سفم الحريب اللي يفضون الامدار
ولعل هذا يكفي لاننا لو نكتب ماقيل في الفراعنه لاحتجنا لدواوين
*من اشهر الفراعنه
1تاصر ابن محبوب الامير الفارس الشجاع الذي عندما سبرو السبور القوم وشافوه وحده عند ابله وسمعوه يوده لابله يقول( ار بلهو ه ) كلمات تقال للابل تستانس بها رجعوا لعقيدهم وقال وش شفتوا قالوا خيال لحاله ويقول يويل ولوه قالهم لا اتركوه انه ناصر ابن محبوب مالكم نصيب بابله وقد قيل فيه
يتلون ابن محبوب كساب الامداح****شيخ ورمحه في هل الخيل لازي
2- خالد ابن مثقال تقول فيه العتيبيه
من قوم ابن مثقال جنا مخيفات**** ياليتهن ما كان جن سالماتي
ويقول اخر
تركنا الجهام وقوف في داره مفلي*** حدانا عنه ابن مثقال حامي تواليها
3-ناصر ابن سعد الطلاحين وفرسه الفرزاء
4- شباط بن مثقال حسنا هي مربط خيل المثقال
5-قريمط بن سعيد
يقول الشقاوي والشقاوي قريمط****لاغوا غيري ماغويت المثايل
6- شبيب الجهر (الدفار)
7-شبيب بن فايز
8-وشديد بن ابراهيم خيال نامه
9-ناجم بن بويتل
10-سعد بن فراج
11-ناصر الفراعنه شاعر الثقلين
ومشاهير الفراعنه واجد ليس لهم عدد
ولعل اخواني الكرام اختم بهذه القصيد
للشاعر والفارس المشهور (( ناجم بن بويتل الفراعنه..
ياراكب من فوق بواجة الخلا *** مافوقها الا المبركة مع صميلها ..
وضحا رعت من خايع العرق مزته *** ومصيافها من جنب رغوه جثيلها ..
ذعره .. نياره .. عيدهيه *** كن اشهب البارود روج ظليلها ..
ولا كما ربدا ظليم تحسست *** بين الحجايا مامن الله جفيلها ..
رز مسامعها وبتر فخوذها *** وهجف سماريها وكد هجيلها ..
تلفي هل العارض صباح من السحر *** دار بني عمي رعو في نثيلها ..
ياليتهم شافو عن الهرج فعلنا *** يوم الجهامه ماصفطنا هزيلها ..
جتنا جيوش ابن رشيد وسبلت *** دون الحفا نهارها مثل ليلها ..
جانا بتميم وشمر وحضر حايل *** وهتيم واهل الشام جنا يهيلها ...
يقودها قود المزاغيف بالرسن *** مقدم حصين .. وحصين محيلها ..
يبون(( لحيات )) عساهم للفنا *** ولحيات مقابيس البلا دون حيلها ..
من وقفنا صاحو وطاحو وظللو *** كن الدبا الكتفان مذعور خيلها ..
نطرح عواديهم ونقلع ثبارها *** لعيون من بالطيب كدت جديلها ...
ولعيون شرف بالمهامه ترايعت *** عيرات اهل حايل تلاطم شليلها ..
جيوش شرايدهم وهم كثر الدبا *** قلايل ماينتدواى عليلها ..
لكن مجالدنا ليا ضيقو بنا *** مجالد سباع مايحقر ذليلها ..
وحتى ايش او هم ضيقو بنا *** جروح الخفا ماعاد يبرد غليلها ..
شلنا عليهم بالمراجيف والقنا *** لين الله ادنى للاعادي رحيلها ...
والنعم يالزكور حدودهم عن العذا *** ماتطرح الجمعه الا جليلها ..
اولاد علي اليا تعزوو بجدهم *** ماطاوعت دون العشاير قبيلها ...
من سو وقع سيوفهم ورماحهم *** روس العدا ازرى سيلها لا يشيلها ..
ونعم يالاد العميري بفعلهم *** والله ماللحرب نرجى بديلها ..
يوم ارهجو صنع الهنادي وسبلو *** نقالةالزومة تبرشم دليلها ..
ونعم ياترثة بني عمر لااقبلو *** مثل الهجايا من غبايا مخيلها ..
كم سابقن توهنت دون جمعهم *** خيالها ياكل ثمر حنظليلها ..
والنعم ياللي من ورى الدار سبلو *** عوامر حبل الدرك يستويلها ...
واقول لكم كما قلت في الاول ولوكتبنا عن مفاخرها لتعيت ايدينا وعيوننا لم يكفي مجد هذه القبيله العريقه كتب او دواوين
وفي النهايه اخواني الكرام تقبلوا تحياتي
اخوكم/ سعد المحمدي2
ـــــــــــــــــــــــــــــــــــــــــ
يمنع دخول سجاح من علي شاكلاتها