( ربعي اليا قـفـلـــت ... )
يادحيم قلبك مريح وخاطرك زيني=وانا عيوني دموع الشوق تذرفها
لا .. لا تحاول بنكتاتك تسليني=ترى السولف معك يادحيم عايفها
مشكي فراق الهوى ولا المزاييني=أرجي رجالن تسليني سوالفها
ربعي اليا قفلت والوقت حاديني=اشوف ناس تشرفني مواقفها
انا غريب الوطن والبعد حاديني=وجورات الايام ورتني صوادفها
متى على الله تشوف عينهم عيني=وسود الليالي نبي نبرى حسايفها
وسلامتكم الشاعر/عبد الله ابن جلبان