[جابر الجهني]

الظاهر انك تناسيت حق الضيافه..


وصدقني اخذت فكره ماهي طيبه عن سبيع بسبة استقبالك السيء لي..


ارجع واقول .. انا ضيف عندكم.. وشوف كيف عاملتني..!



ماهي علومكم يالسبعان لاني خابركم زين..

وما جيت منتداكم الا لاني خابركم من روس قبايل العرب..

وجيت اوضح بعض الاشياء اللي تخص قبيلتي..

اذا اخطيت قول يا فلان ترا هذا خطأ والصح كذا وكذا..

او طالب المشرف العام انه يحذف الموضوع..

كل هذي تهون من انك تسب ضيفانك..

وتتهمهم بالزندقه والشلليه والتقليل بقدر قبيلتهم..

عمري ما سبيت قبيله حتى لو مهما شفت عليها..

لان كل قبيله ماخذةٍ قسمها من الطيب والردى وهذا شي مافيه جدال..

ومن انا اصلا عشان اقيم قبيله لها تاريخ على مر قرون؟؟؟

مثل مافيها ذيابه وعطران شوارب ولحا غانمه .. فيه ناس حتى لو كانت قليله .. ما تسوى التاليه من الغنم..

لكن هذا ما ينقص من قدر القبيله..

وش حال لا كانت قبيله زكاها الرسول..!

ما زعلت عشانك سبيت جهينه.. لانها وبكل صراحه وبدون زعل ماهي بحاجة شهاده احد بعد شهادة الرسول..

لكن حز بخاطري استقبالك لضيفك..

وما خبرت هذي من سلوم العرب بشيء..

فمان الله يالربع.. واذا مواضيعي مضايقتكم بشيء اطالب المشرف العام بانه يحذفها كلها ويحذف ردودي معاها

ويلحقها بنكي.. لان هذا بيكون اخر مرور لي بالمنتدى.. لاني ما ارضى على نفسي باني اكون ضيف ثقيل على احد..

ومنتديات جهينه ما تقصر بولدها..



فمان الله..