[عايض ابوشيبه]

إيه ابدوي ياللي تقول أنت ابدوي = إيه أبدوي وافخر بها لاقلتها قدم الجميع
إيه البداوه عزتي وأبها بعد ربي قوي = شربت أنا حب البداوه من وانا طفلن رضيع
إن كان تبغى لك خوي فإنا ترى عز الخوي = دون الخوي ابسلمنا ناقف كما السد المنيع
دخيلنا من طيبنا من حسن حظه يرتوي = يمكن تضيع أعمارنا ولاحقوقه ماتضيع
كل الصعاب أبفضل ربي تستويله تستوي = منهو عصى باالطيب باالقوه مصير إنه يطيع
عدونا ياشين حظه كان باالهجمه نوي = والله بدل ماهو قوي يصبح كما الحمل الوديع
وإن كان تبغى طيبنا للطيب حنا نحتوي = نسقي ولدنا طيب مانسقيه مشروب الربيع
الكرم فينا من اول ماجحده الا غوي = نحظر اسمان الذبايح مانظرنا للقطيع
الدلال الصفر تهوانا وحنا نهتوي = طيب عود انجهزه للضيف باالوقت السريع
نكثر الترحيب باالضيفان بالقول السوي = نكرم الضيفان والخطار بلي نستطيع
ماعرفنا صك باب ولاطريقن ملتوي = ماعرفنا غير زود الطيب والفعل البديع
والختام إيه ابدوي ياللي تقول أنت ابدوي = اقولها وافخر بها لاقلتها قدم الجميع