أخي راعي مزاج
هذه القصيدة للشيخ الفارس / ناصر بن عمر بن
هادي بن قرملة ومناسبتها أنه الله يرحمه عشق
فتاة من قبيلته وعشقهم على نزاهه وعفه وفي أحد
الأيام عندما أحال أهل الفتاه لجهه بعيدة لطلب
المرعى لحلالهم وقد قال ناصر بن قرملة هذه
الأبيات يصور ما يعانيه من ألم الفراق عن
محبوبته ويقول
**************
ابكي وحطيت البكا سهمة لى =هافت غصون القلب واصفت ركاياه
ابكي خفا واضحك بيان مع اللي =القلب ما يدرون عن غاية اقصاه
قالو لي العذال ما اخبلك ياللـي = تبكي ولد ناس تفارقت ويـاه
قلت آه ما انسا اللي حديثه يسلي = والله ما انسا اللي تواجهت وياه
اللي ليا منـه نوى ذبحةٍ لـي = ارخا المليثم لين تبدى شفاياه
يضحك بحجرالعين كله رضا لي =من خوفته يدري حد من دناياه
العارض المنقاد من دون خلي = والمجمعة وسدير قاصي قراياه
خلي ورا العارض وأنا فرع سلي = يابعد ديرانه وياقرب طرياه
مزين حديثه فوق فرشٍ وزلي = لا واحسايف يوم ما ابطيت وياه