ياصاحبـي لاتحسبنّـي بتبعـك ياصاحـبـي
عمر السبيعي ماتبـع اللـي يقفّـي او خضـع
ياخاين العشـره نسيتـك والقطاعـه مطلبـي
قلبي قراره لوتجيني خاضـع(ن) لـك مارجـع
يشبه غرامك ياعديـم الـذات يـوم(ن) مرّبـي
والا كما برق(ن) لمحتـه بالسمـا يومـه لمـع
هاذي عواقـب غلطتـك والا أنـا ذا مذهبـي
مذهب شهامـه ماتغيـر فـي أصولـه مقتنـع
من عادة الغلبـا ولدهـا يسبـي العـزه سبـي
يرضع كرامه ياخبل والا ولدكـم وش رضـع
كم واحـد(ن) منّـا مقالـه الشجاعـه ملعبـي
لامن تعزوى بالمكارم ماظفر مـن بـه طمـع
حزنا ميادين الفخـر .. قلنـا تواريـخ اكتبـي
دايـم مراكبنـا عوايدهـا تــذب المرتـفـع
حنـا السلاطيـن الشهيـره يالمهايـط يالغبـي
حنا الذي من فعلنا وحش الصحاري كـم شبـع
غلبا غلبنـا يـوم روس(ن)شامخات(ن)وتهبـي
خيّالة العرفـا دوا كـل صامـد(ن)أو ممتنـع
فوق العبيّـه اعتزينـا يالقنـا هاتـس اشربـي
ياكم شكت نجد العذيه مـن سبـب فعل(ن)وقـع
فعل(ن)يهز ركونها .. فعل(ن)يشيّـب الصبـي
سارت مراكبنا غصب واللي سوانـا قـد طبـع
وكم صاحت الثكلا تنـادي ياعـذارى اندبـي
شوفوا العقيد اللي نماريبـه مكانـه منصـرع
فوقه جموع القوم ارداهـم رصاص(ن)احلبـي
راحـت ضعاينّـا مـع القبـات للغلبـا قلـع
أصلي سبيعي وافتخر لانه عريـب(ن) منسبـي
تاجي ذهب أصلي وغيري تاج ربعه من شمـع
كل الخليـج اليعربـي والشـام ليـن المغربـي
كل(ن) عرف غلبا وصيت المجد كل(ن) به سمع
ياصاحبي آخـر مقالـي لاتجينـي وش تبـي
الباب ياسع له جمل واقضب طريقـك وانقلـع
دلالات الألوان
ثقل في الشطر
خلل في المعنى
خلل بالوزن
بيت روعة
بيت جيد
حاول تضبطها مره اخرى وابشر بالمساعدة