انا عيوني((عبدالعزيز الفراج))
كُتب : [ 12 - 03 - 2007 ]
انـا عيونـي تناعـس مـن عـمـس راســي=
والا انت مدري عيونـك وش تناعـس لـه=
عـلـيـك لـــدة وســـاع تـقـطـع أنـفـاســي=
برموشـهـا الـلـي تـجـي بالـهـون منّسـلـه=
ومـدري مـتـى الله يلـيـنّ قلـبـك القـاسـي=
واللـي يجيـك بتواضـع مــا تغـطـرس لــه=
يجذبـنـي الـشـوق يـمـك جـذبـة ألـمـاسـي=
وأخفي صوابي عن عيونك وانا اونس له=
وان راودتـنـي تبـاشـيـرك وانـــا نـاســي=
آمــنــت بالله وبـكـتـبــه وبــرســل لـــــه=
واليـا سـرابـي عـلـى طـاريـك هوجـاسـي=
أعطـيـه كـــل أهتـمـامـي وآتـحـمـس لـــه=
مـا كـن غيـرك علـى وجـه الثـرى داسـي=
فـي فكـري اللـي شياطينـه تـوسـوس لــه=
لـك فيـه بـرج عتـيـق ومجـلـس ريـاسـي=
اليـا أنعـقـد فــي اجتماعـاتـه تــروّس لــه=
مـتـربــع فــيــه سـلـطـانـك ومـتــواســي=
ويجلـي الصـدا والتـراكـم عـنـه ويغسـلـه=
|