[منصور الحري]

كان بين محسن الهزاني وعبد رنية مساجلات شعرية ورسائل وردود بين الإثنين.. وكان عبد رنية من الشعار الذين لا يشق لهم غبار ولكنه كان غير معروف كما محسن الهزاني.
وقد قال له الهزاني مرة :

إن كان عندك وحدة عندنا ألفين=حتى الرخيصة مانبيعه برنية

رنية إسم بلدة عبد رنية

وتحداه للرد على نفس القافية فكتب عبد رنية له ما يأتي:

قال الذي يبدع من القاف تسعين=تسعين قاف كلهن اين وانيه
يا راكب من فوق سمح الذراعين=فوقه غلام لا ندبته شفنيه
يطوي مسير الشهر في ظرف ليلين=والليل الاخر في الحريق امرحنيه
تلقى الهزازين القروم المسمين=من سمعني في مدحهم ما اكذبنيه
ذباحة للحيل ومهبّش زين=ماكولهم يركد على الكبد هنيه
إن جيت مجلسهم ويلا يطرب العين=فروخ الحرار سيوفهم ترهبنيه
اختص محسن شوق ضافي الدليقين=لولاه قال كليمةٍ وازعلنيه
لومي على اللي سامعه من زمانين=وراه ماقاضاه ولا اعلمنيه
إن كان عندك وحدة عندنا الفين=حتى الرخيصة ما نبيعه برنيه
يا محسن انك لو تشوف اريش العين=عفت الحريق وجيتنا صوب رنيه
ما شفت سعدية وثنوى وثنتين=في روشنٍ مااحلى حمامه وبنيه
ذرعان سعدية سوات العراجين=ومشمرخات بالذهب يذبحنيه
إن قلت انا قين فنا قين بن قين=وان قلت انا شين فانا عبد رنيه
الـبـارحـه ليلي كما قيل ليلين=أحــس في عيني دموع احرقـنـيـه
بـكـيـت ولا بـكــان هـــمٍ ولا ديـن=ولا لـــي غـريــم خـايــف يذبـحـنـيـه
أبكي على من له علـى المتـن قرنيـن=سبـيـب شـقـراء عـنـدمـا فزعـنـيـه
ماهمني دنيا ولا همني دين=ولا غريم خايف يذبحنيه
ما همني كود انت يا مغزل العين=ابو قرون فوق متنه كسنيه
ومجدلات اطرافها وقم شبرين=شروى حبال شفتهن يفتلنيه

والقصيدة أطول من هذه بكثير لكن هذا الذي إستطعت جمعه من الأبيات
((على العلم أن هناك أخطاء وتكرار في نقل الأبيات))

وعسى أن تحوز على رضاكم