|
محاورة شعراء من عيار ثقيل
كُتب : [ 16 - 04 - 2007 ]
بسم الله الرحمن الرحيم
إخواني أعضاء وزوار شبكة ومنتديات سبيع
السلام عليكم ورحمة الله وبركاته وبعد
أنقل لكم محاوره لشعراء من عيار ثقيل ألا وهم الشاعرين الكبيرين الذي نفتخر فيهم في إي محفل للقبيله أوغيرها من المحافل .
هم الشاعر ربح السبيعي & والشاعر فالح السبيعي
نقلت لكم هاذي المحاوره من أحدالمنتديات الشعريه
ربح السبيعي
هلا مرحبا مليون واثنـى التراحيـب=بفالـح سعـد ثـلاب واف الخصايـل
ابن عمي لي وافي وبرضه لي اصحيب=وانا افخر حقيقه فيه والـراس طايـل
فالح السبيعي
يدوم البقا بأصحابنا والمعازيـب=غلاهم تراه أكبر من جبال حايـل
ياربح ابن خالد يوم جتنا المناديب=فرحنا بدعـوة طيبيـن الفعايـل
ربح السبيعي
يشرف وجودك وانت من ماكر الطيب=من الابـه إللـي كاسبيـن النفايـل
لاكن فيك عيبٍ ماش غيره ولاعيـب=علينـا بخلـت ابطيبـات المثـايـل
فالح السبيعي
عن أهل الوفاء والطيب ماودي أغيب=وعلى طاري الأجواد عنـدي دلايـل
ما أحب أتكلم غير وقت المواجيـب=على شان تصغي لي جميع الوسايـل
ربح السبيعي
بعد ماحضرنا جر زين الهناديب=وبيني وبينك دايم الشـك زايـل
وانا مارد الا صافيات المشاريب=ولولاك وافي مابعثت الرسايـل
فالح السبيعي
بعد ماحضرنا ياطويـل الأشانيـب=نبي نسعد الجمهور مع طرق هايل
وأنا خابرك تمشي على جرة الذيب=قدحت الزنـود وولعـت بالفتايـل
ربح السبيعي
انا خابرك فاهـم ودكتـور اساليـب=لاكن لاتعيل ايجيك صاحبـك عايـل
هذا وانت تعرف ربح ابن خالد صعيب=تعرف الصميلي ربح وقت الصمايـل
فالح السبيعي
ما دامك تعرفه ياقليـل العذاريـب=ورى ما تحذر مع قـوي المخايـل
تحذر معي لا تخطي الهرج وتصيب=قبـل لانوريكـم نجـوم القوايـل
|