اخي الكريم بلاط الشهداء اولا سلامتك اول من نزل الحائر الشيخ بن شعيفان امير العزة اللة يرحمة ( معشي الذيب ) وملك الحائر غصب وتحضرا ومنع احد ان يقربة -- وثانيا جو بعدة بني عمر من الوديان وكانت الصعبة بقيادة الشيخ عمر بن خيوط من الجمالين - والخضران كانت بقيادة الشيخ مساعد بن فياض ( النهاوي ) من النبطة - وكانوا اهل بادية ويدورون على المرعى واهل حرب وضرب وواصلو طريقهم حتى نزلو واستقروا على آبار رماح وحفر العتش واخذوها غصب وانتشرو في الدهنا حتى قيام الدولة السعودية الاولى وساعدوها ايضا - هذا اللى نعرفة ونسمعة من الشيبان -- لا تحط سوالف مهيب في محلها ,, والغميض لا شاخ ولاحولة شيخة من ال جريان وهذولا حضر وتجار وحتى يوم كانو فوق كانو تجار اهل مزارع ونخيل جو مع عمر بن خيوط يوم دخلو العارض شافو المزارع جلسوا في الرياض يديرون تجارتهم وهم معروفين انهم من حاضرة الجمالين وانا اعرف ال جريان واعرف تاجرهم الشايب قبل يموت اللة -- ولا تخليني اوضح اكثر واسال شيبانك قبل تجيب حكي مالة راس ولا رجلين -- واذا انت صادق في كلامك عطني الدليل ..وفي الختام عسى اهتمامك فادك -- والسلام ..