بسم الله الرحمن الرحيم
تصفحت موقعـــــــكم وزادت رغبتي = ولقيت من جزل العلوم فنون
أشعار منقوله وأشعــــار مــــبدعـــه = أشعـار تفتح للكفـــيف عيــون
أشعار يطرب له كل نابه وعـــــــــارف = وأشعار تحوي من الحكم مليون
أغراض الشعر تــــحوي ما جاد منها = وأتجنب الغث الردي والهون
منها المدح والفخر والوصف والرثاء = ومنها الغزل بالصاحب المزيون
ومنها المعارف والعلــــوم الكـــــثيره = ما تشبه إلا جــامعه سربـون
وترا موقع الغلبا بحـــــــــوره غزيره = من غاص غبه يظهر المكنون
حص وياقـــــوت واّحــــجار كريمه = ولاّلئ تـوضي بكــل ماعــون
للباحـــــث العــــالم وراعي الهوايه = والمبتدي يا صاحبي له عـون
أبشكر القـــــائم على هذي المـــواقع = شكر المحب المعجب المفتون
والشكر مـــوصول لكــــل مشـــارك = ومن يثري الموقع بزود فنون
وأحث إخـــواني وربــعي وعــزوتي = أخذ الجزل وتــرك كل مـهيون
ثم الــترفع عن سفــاسف عـــلومــه = مثل النشــاما الغر ما يوصــون
هذى مــشــاركتــي وهذا جــهــدي= والعــــذر مــــنكم وأنا ممنون
الجواب من / عزيز أحيمداه :-
يا مرحبا ما ناح ورق وغنا = بين الجريد الصبح جر الحون
تحية من ضامري مبديها = أسوقها وأهل الوفا يدرون
يابن العريني يوم جالك ردي= شعري إلى جاء موجبه موزون
جود الفتى لا شك من ماجوده = والحق واضح والشبى مسنون
على النقا من هاجسي تعطى لك= لا جيت أبي دينه ولا مديون
وأنت ولد عم ينومس قوله= وأهل الوفاء للطيبه ياعون
مدحك ينومسنا ويرفع راسي= وأنت لجزلات العلوم زبون
والمنتدى لعموم كل الغلباء= ما هزه الحاقد قوي اركون
ناطى على راس الخبيث الحاقد= نخلف اظنونه كان فيه اظنون
تاريخنا نحميه من تدليسه= شواهد تبنى على المضمون
ما فرها هرج الردي الهافي= واللي لتختيم الختم يشرون
واختام هذي عد وبل الماطر= على محمد لازم اتصلون
واللي على رأسه بطحاء يحسس عليها :-
التغطرس بان في بعض البشر = كنّه الثور الهولندي لانهمر
معلفٍ شبعان في تال النهار = عد نفسه شيخ قومٍ ما يمر
يا أهل الغلباء يا ربعي وش بكم= يكتب البهتان من زيد وعمر
الردي وإن كان ماله بالعلال = يجمعه لأنذال بعده تنتظر
قام يدخل بيننا ناسٍ تريد = تفرق الاخوان مشحونه قهر
والله إنا نعرف سبيع صحيح = لابتي وسط المزاحم والخطر
ربعي الأبطال واسأل عنّهم = يوم نجدٍِ كل أبوها للقشر
من غريف سبيع لفياض لنا = وسط صمان المعزه والفخر
ما تردد لا رحلت ترعى الخضار = قول صدقٍ والحقائق تختصر
ثم نجدٍ وحده ابن السعود= الإمام الوائلي يومه حضر
يا دخيلٍ بيننا وده تثور = دور أهلك يالدويني لا مفر
ناس منكم تعتنز تبغى تميم = والتميمي بالكرامه يشتهر
يا ضعيف النفس لا تكتب تراه = كل حرفٍ ظاهرٍ يوم الحشر
مجدكم وإن طال ما يوكل عشاه = ضف مثلك لا دلال ولا جمر
للبكيري دار معروفه زمان = لو سرقتوا بيرها علمٍ ظهر
وفي كنفكم واحدٍ يدعى ذنان = اكتبوا له عل يأتي بالخبر
ولما نطقت الرويبضة قال الشاعر :-
البياض اليوم ما عاده بياض = والشجاعة ما توردك الحياض
في زمنا اختلف شيئ كثير = تختلف نجران عن وسط الرياض
شاعر واليوم ماني مسريح = جاك علمي من شعوري بالصحيح
يا الله الأنذال بشروره تطيح = والرخوم أشواك ماتت بالفياض
يا السنافي هالزمن والله غريب = والنذالة ما يعالجها الطبيب
والرجل يحسب بقرشه يالحبيب = ديك افرق بالمزارع كيف باض
أكتب الحرف المقفى من زمان = مغترب لو كنت في وسط المكان
عش تشوف الناس والطيب يبان = حكمة الله ما عليها اعتراض
في زمنا الثعل يفرس سباع = والكرامة بعضها تشرى تباع
والسفن ما عاد تبحر بالشراع = ذاك الأول في زمان كان ماض
والصداقة بعضها تنطق جمل = والعزيز يقول ما أقدر أحتمل
والأسد يخاف يفرسه الحمل = ذا شعور من قصيدي غصب فاض
وقال الشاعر / فارس الأول :-
قال من هو سيّر القاف بنظامه= جاك بيتي عل قلبك يرجهني
البيوت خيول تحكم في لجامه= وأنت تبدع في مجالات التجني
ومن كذب لك قد كذب بك يالردامه= والعبيد اليوم من ضيمه توني
قال مسلط عز من يرج الكرامه= اخذوا الأخبار والتقرير عني
أستعين بربي العالي مقامه= وأستنير بسنة الهادي وأغني
يكرمون أهل الوفى وأهل الشهامه= ربعي الغالين وأظهرهم بفني
ما بغيت أخوض في عرض الهلامه = لكننه حدني واحتد مني
علموني يالخبل بإنك خمامه = امتربّع بالفطـايس ومتهني
العوايد عندكم شيـل القمامه= أشهد إنك كالذباب اللي يطني
الصلب فيهم من الخالق علامه= دمهم ووجيهم والراس بني
أنت من طرش البحر مدري ركامه = ومثلك علومه علي ما يركبني
ليتهم يعطون كل صليب إقامه= والنساء مثلك ترى ما يرهبني
إقر عن جدك وتلقا ألفين كامه= قال ذولا من عرينه ويهبني
جدكم عبد لنا قبل الرغامه= نركبه مثل الحمار اللي يفني
يالخسيس أنته وابن عمك زلامه= أصلكم تركة صلب والعلم عني
ول يا تال الزمن هو وش علامه= قامت النسوان لي يعارضني
يا ولد قينان بزيدك زكامه= الصلب شهروا بميله والتغني
أنت ما تسوى جعر واد اليمامه= لو تسرح في معز ما روحني
أنت نيم إصحا ترى بيجيك غامه= تذهلك يا ذا العجوز اللي تعني
قلت لك مسلط وراس المجد لامه= معتنز في مسلط الأول مغني
أنت يا ترث الفلس راس الرخامه = كالعجوز اللي طباعه بالتمني
جدنا معروف عند أهل الكرامه = شاخ في وقته ونصل السيف حني
البصل صيدك ولك زين ودامه= شف دموعك من زهابك ينثرني
الخزيم اسمه على خشمك خزامه= والعجايز مثلكم ما ينسبني
البكيرية خذيناها لهامه = ثم حميناها بخيل غطرفني
إنشد الأجواد يالعبد الخزامه= يمكن إنهم بالحقايق يخبرني
ساسك من صليب يا نجل البلامه= والقنيص ينعرف زاد التجني
لا نظرت بوجهك أشوف الكتامه= تاتشوف ارعودنا اللي يرعدني
يا عيال اصليب يا تال الحثامه= فيكم رماح الخزيمي يلعبني
والله إنك منت من نسل القرامه= يالخسيس اللي علومك يفضحني
جيتنا مسلوب من عقب الضيامه= يالعجيز حولنا ما من تهني
يا عرين الرب يا وجه الندامه= اظهـر اللي ما لقيته يا مصني
اخسئوا فالثوب ضاق ابكم كمامه= والعطيب يشاف لو هو ما يوني
كثروا لك يالضعيف فاللهامه= ثم كسبت ذنوب ناس هملني
أشهد إنك ما تساوي لك رمامه= ساقط والناس فوقك وامتعني
خشمك إن طول نبي نقصر خطامه= ونركسك يالعير ونظهر كل جني
وكان راسك خاوي بروي حيامه= لين تقنع من خراك اللي تبني
حاجرين الخبل من خلفه وأمامه= ونعرف جدوده ولو هم غابرني
مسلط شعيفان هو شيخ الزعامه= اكتبوا في شيخته يا كاتبني
ما يهمه كل كتاب اللئامه = ثابت مثل الرجال وما يثني
نكنسك يالخرب مكناس القمامه= وذا مقامك مثل ربعك امتدني
والله إنك ما تحصل لك سلامه= لين نكوي غاربك ياذا الهدني
اتخسى والشيخ ما تسوى مقامه= ولا تساوي نعلته يا سامعني
اتخسى والعلم قرب لك فطامه= لازم نضحك عليك اللي يعني
والحقايـق كـل أبوهـا استقامه= والبلاء إن جـد جدك ما زبني
كـان علّم للمعـالي والكرامـه= ياخذ الأفكـار مدروسـه بفني
والأراذل مبيّنه منطق كـلامه= أشهد إني ما ني منك ولا أنت مني
والخسيس اليوم نخرنا عظامه= واسمينه وسمنا شعب مثني
اطلب الله يالدويني لك سلامه= وللثعل بالكذب جوال يرني
منقول مع خالص التحية وأطيب الأمنيات وأنتم سالمون وغانمون والسلام .