[خيَّال الغلباء]

المشاركة الأصلية كتبت بواسطة خيال الغلباء

بسم الله الرحمن الرحيم

قصيدة الشاعر الكبير / محمد بن حزام الملحي السبيعي في شاعر الثقلين والوطن الكبير / ناصر بن محمد بن فارس الفراعنة السبيعي :

ألا يا هل السطر وأهل العـــــزاوي
= سبيع سبيع مخلفت الهقـــاوي

إليا ضاقت على أحد (ن) من حدينـا
= يجون سبيع كالسيل النحـــاوي

لهـم وقفــات والتــاريخ شــاهــد
= إليا منه انتخى راع النخــــــاوي

يجــونك فــزعة (ن) من كل ديـــــره
= من رمــــاح العـــذيه للــعــلاوي

ويــا ناصــر بنــا اعتــز لا يهــمــــك
= معك ربعك مــزبنة الجــــــلاوي

بنـــاقــف وأنـــت قل شعر مميز
= من التاريخ والوحي الســماوي

إلــك عــادة يا أبو فارس تنومـــس
= إلك شعر (ن) مثل شعر الخـــلاوي

تفــاخر يا أبــو فـارس بنتفــاخــــر
= ترى اسمك كنه البرق السـناوي

تفاخر دامك اسبيعي سعــودي
= لك أمنية (ن) من اخيار المنــــــاوي

ما دامك تحت حكم إخوان نـــوره
= حرام إنك على العد الرهــــــاوي

شيـوخ (ن) وقفت الواحــد لحـــاله
= تساوي وقفت العالم تســــــاوي

ألا يا ســـعد من قامـوا ابعــــــونه
= علــى شــانه يحــلون الدعــاوي

شيوخ العرب في نجد المسمى
= من يقاوي سطرهم من يقــاوي

تحــت راية ملــك كل العـــــروبه
= تحــت رايتــك يا الحــر النـــــداوي

أبو مـتــعب حفــظه الله قايــــــد
= ترى شعبه علـى شانه فــــداوي

وتـم وزبــدة الموضـــوع هرجــه
= سعــوديون في الـــدار الرخــاوي

عليك الشعر والباقي على الله
= تــرى مثــلك من العــربان نــاوي

لكنــك والله القــــرم الصميــدع
= واحنــا معــك كالســـيل النحاوي

صح لسان الشاعر الكبير / محمد بن حزام الملحي السبيعي وسلم نبضه وبنانه وشاعر الثقلين والوطن الكبير / أبو فارس يستاهل . منقول وأنتم سالمون وغانمون والسلام .

اخواني الكرام / أبناء قبيلة سبيع بن عامر الغلباء وجمهور أبو فارس ومتصفحي المنتديات السلام عليكم ورحمة الله وبركاته وبعد : اليوم ولا بعده تكفون يا سنايدي ويا عصابة راسي وترى تكفى تهز الرجاجيل راح الكثير وما بقي إلا القليل والوقت يسرقنا ضاعفوا التصويت والبيرق سعودي سبيعي إن شاء الله وشاعر الثقلين والوطن الكبير / ناصر بن محمد بن فارس الفراعنة السبيعي حفظه الله ووفقه يستاهل كل خير ومنه التصويت والدعم المعنوي وجملنا في المحضر وحنا معه بالتصويت إلى النهاية إن شاء الله على الرقم 44 ولا زال جار على أشده الهمة الهمة هذا وتقبلوا فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام .