بسم الله الرحمن الرحيم
(نبذه عن سيرة شيخ وفارس من فرسان الجزيرة العربية)
الشيخ الفارس/محمد بن مطر ابو اثنين
اسم مضيء في تاريخ فرسان الجزيرة العربية خلد اسمه بعد رحيله بماء ٍ أغلى من الذهب بفضل ما بناه من أمجاد أصبحت شاهدا ومعلما له رحمه الله.والشيخ/ محمد بن مطر ابواثنين واحداً من أشهر شيوخ وفريس الجزيرة العربية الذين تناقلت أذاكارهم وافعالهم وخصالهم الحميدة الرواة ونحن نحاول ان نجمع بعض مايستحقه هذا الشيخ الفارس.
حياته
الامير الفارس محمد بن مطر بن فراج بن عساف ابو اثنين من مواليد هجرة رماح سنة 1328هـ ووالده هو الشيخ الفارس مطر بن فراج بن عساف ابو اثنين الذي كان له دور في توحيد الجزيرة العربية تحت قيادة المؤسس طيب الله ثراه فقد شارك طيلة حياته في فتوحات الملك عبدالعزيز وله مواقف مشرفه.معروفه لدى الجميع.توفي والد الشيخ محمد بن مطر وهو صغير في السن وحيد ليس له أخوه فبرغم ذلك نشأ,وتعلم الدين وحفظ الكثير من كتاب الله .وبدأت عليه علامات الفارس العربي الأصيل وحب الدين والولاء لولاة الامر,اشتهر في قبيلته سبيع وأحبها وأحببته واعتدت برأيه .
شارك مع جلالة المؤسس الملك عبدالعزيز ال سعود في معركة السبله ومعركة فتح الطائف وشهد فتح الحجاز . وقد أعجب به الملك عبد العزيز وأحبه لفروسيته الأصيلة وشجاعته الفذه وتمسكه بالدين الحنيف.
وبعد وفاة الملك عبدالعزيز استدعاه الملك سعود رحمه الله وجعله من المقربين له وكان له مكانه كبيره عند جلالته.وفي عام 1374هـ تم تشكيل الأفواج واختاره الملك سعود أميرا للفوج الحادي عشر من ضمن شيوخ القبائل التي اختارهم الملك سعود أمراء لعدد من الافواج وتقديرا له ولما قدمه من خدمات جليله هو ووالده فوالده الذي كان من اشهر فريس الملك عبدالعزيز رحمه الله في توحيد المملكه وله مواقف بطولية سجلت له مع جلالة الملك المؤسس في معاركه الفتوحيه منها معركة الاحساء المشهوره.
صفاته
كان الامير الفارس محمد بن مطر تنطبق عليه صفات الفارس العربي الاصيل كريما وصادقا قوي الشخصية وقوي البأس بليغ اللسان محبوب لدى جميع القبائل التي عرفته كان يهتم بامور الناس وقضاء حوايجهم .عرف بحبه الشديد لقبيلته .كان رحمه الله محبوباً في مجالس الملوك والامراء وشيوخ القبائل اذ كان الجميع يستمتعون بحديثه والجلوس معه . .
وقد قال فيه الشيخ والشاعر ناصر الهماش من قبيلة قحطان حينما كان الشيخ محمد بن مطر في سوريا
كان مصلاح اوعلى الصالح قصاوي= عند ابـو فـراج حامـي الدوبليـه
سعد صفراً فوقها النـي متسـاويب= رض سوري طبت الخـد العذيـه
سجت المرباع ماتتلـى الشـوواي= يقحمـون اللـي هقاويهـم رديـه
يوم بعض الناس وقـف ماينـاوي= حـط للعربـان درب اوقـاد نيـه
مايبعـد نيتـه كــود الـنـداوي= لاطلع يذبح مـن الصيـد الطريـه
ريف هشال الخلا هـو والفـدواي= عيد اهل هجـنٍ مزاهبهـم خليـه
يعترض دون الخوي عند البـلاوي= زاعم الحكـام والمخطـي خويـه
علمه الطيب يسولـف بالقهـاوي= الاجانـب سولفـوبـه والدنـيـه
وقال فيه الشاعر فايز بن حزمي القريني هذه القصيده :.
الشيخ يامطلق وطانا ظعنه امـس= هيف القحوم ولأشقر البن حماس
أظلالكم يابو الهذيلي عن الشمس= وذراً لكم لاهب ذعـذاع نسنـاس
وايضا ولايقبى على خشمه اللمس= وليا التطم يقدح كما قدحت الماس
وليا خذا اللي خرجها ياخذ الخمس= ياخذ ورى حقه من الربع الانجاس
وقال فيه الشاعر العلم ناصر بن شعف المحيميدي السهلي رحمه الله:
ياشيخنـا يـوم الليالـي سراميـد=يوم ان شيخـان القبايـل فقـاري
ينصنك العيـرات يـوم التشاديـد=لاجن من الغربه سـواة المبـاري
هدف تهاكع من حفاهـا مناهيـد=من كثر سهجات الضحى والمساري
ينصن من تنصـاه كـل المواقيـد=اسبابهـن ذبـح الغنـم مايـداري
يوم انتحـى منـا تلتـه الاواليـد=وجتنا علومه مع هبوب الـذواري
ابوه في ناح الرمك مثـل ابوزيـد=وهـو ينـادي بالعشـا فالغـداري
من روس ربعٍ ينطحـون البورايـد=لاشبت الهيجـا وشـب السعـاري
هم الشيوخ الـي عليهـا التقاليـد=بفعالهـم يـوم الفعايـل نمـاري
والقصيده أطول من ذلك
كما قال فيه الشاعر عبدالله بن غصن السبيعي :
ياوالله اللي راح منـا سنافـي= بيته مقراً للجماعه وللضيـف
ماجاه من يم الجماعه خلافـي= لاشك ماجاله زمانه على الكيف
الحر مايركد الى جـاه سافـي= ولايستهين اللي براسه زعانيف
كما قال الشاعر راشد بن سالم القريني :
درعنا الظافي لامن حصل ضربٍ ركاد=هو ذرانا كـل مانسنسـت شمالهـا
من جمالين ٍ هل الفعل يـوم الطـراد=السمـوه كلهـا تفتخـر بافعالـهـا
من حاربهم ماتهنت عيونه بالرقـاد=هل علوم الطيب لامن حضر مجالها
مانقول الاكـلام علـى عـد وكـاد=واذكر الله عد ماهـل وبـل اخيالهـا
كما قال الشاعر عبدالله بن غصن السبيعي بعد عودة الشيخ محمد بن مطر من سوريا
قصيدة قال فيها:
يامرحبـا ياميرنـا واف الاشبـار=عقب المغيب الله يحييك منصـور
انت الامير اللي لك الفخر والكـار=غصباً على الزعلان والضد مقهور
بن مطـر يناشـداً عنـه بخيـار=يعطيك عنه العلم خاطر معسـور
من لابتـا لاثـور الجـو بغبـار=بني عمر لاجاهم العلـم مقصـور
ولاد عامـر فالقـى هـل الثـار=لاجاء نهار فيه كاسر ومكسـور
وفاته
توفي رحمه الله عصر يوم الجمعة 14/شعبان/1408هـ عن عمر يناهز 88سنة رحم الله الشيخ محمد بن مطر ابواثنين..
كان خبر وفاته فاجعه لجميع من عرفه سوى من أبناء قبيلة سبيع او من القبائل الأخرى التي عرفته لما له من مكانه عاليه عند الناس فهو صاحب نخوة و مروءة .رحمه الله واسكنه فسيح جناته .
وقد قبل فيه العديد من قصائد الرثاء ومنها قصيدة الشاعر/ حجاب بن علوش بن جويعد السبيعي .
البارحه ليه عن النـوم سامـوح=النوم عينـي عافتـه مـا تريـده
مصدوم نفس وداخل القلب مجروح=ليـلا عسـى رب المـلا مايعيـده
والدمع من عيني على خدها وفوح=اونس على صدري سواة الوقيـده
ياسبيع نوحوا واكثروا جاير النـوح=أنا اشهد انـه راح منكـم فقيـده
محمد ورى الطالات له طايل الشوح=ابن مطـر راع الفعـول المكيـده
شيخاً شرى الامجاد بالمال والروح=والمجد أبوفـراج شيخـه عقيـده
على المراجل راقياً قمـة الصـوح=متعلويـا كـل الخصـال الحميـده
خلف لنا شيخاًله الـدرب مفتـوح=فـراج لارد البـرا مـن صفيـده
هوشيخنا الي للمهمـات ناطـوح=واخوانه الى كـل منهـم عضيـده
والقصيده أطول من ذلك
و قصيده للشاعر ناصر بن شعف رحمه الله
الله لايعيـد علمـا لـفـا الـيـوم=هز الشيوخ وهـز روس الحمايـل
مات الامير اللي له الطيب مرسـوم=اميرفـوج وشيـخ سبـع القبايـل
ذخر الدريك اللي ورى الباب مضيوم=عليه حكم الشـرع والحـق مايـل
ينخى صليب الراس مهوب مليـوم=يبغى الفرج من عقب شوف الغلايل
ينخى الذي لهل الوحل دايـم الـدوم=اللي من الكربـه عليهـم ملايـل
حرزاً نحاءجاهه تعدى هل السـوم=نلـوذبـه لابـركـن الـرحـايـل
والقصيده اطول من ذلك
وقدقال في رثائه الشاعر غازي بن دغيم:
علمن سمعتـه ليتنـا ماسمعنـاه=وفـات شيـخ مايملـه قريـبـه
مرحوم ياللي تفعل الطيـب يمنـاه=عز الرفيـق وعـز مـن يلتجيبـه
مرحوم ياللي بالقسا يذبـح الشـاه=ياخالطن سمن العـراب وعصيبـه
هيف القحوم وسعد من جاه ينخـاه=يزود مـع عسـر الليالـي بطيبـه
مرحـوم ياميـر طروقـه مخـلاه=مافيـه مـن درب الـردا مايعيبـه
لو ان طيب الرجـل يدفـع منايـاه=مثلـه فلاتركـز عليـه النصيبـه
لاشك مايكتب علـى العبـد يلقـاه=لوعـاش لابـد الليالـي تجيـبـه
لـوان محمـد بالفدايـا فديـنـاه===باللي لهم في عرض الاصحاب غيبه
محمد حميـدات السجايـا سجايـاه=وان شانت الخطـر يخيـب طليبـه
من راس حمـاي الثبـار المخـلاه=لاحل فـي تـال المتلـى حطيبـه
مطر ذعار الخيـل حسـه وشلفـاه=اللي نهار الكـون يجـدع حريبـه
زبن الحصان اللي تسالـع حذايـاه=يثني خـلاف اللـي تـردا هزيبـه
ياليـت ابـو فـراج موتـه تعـداه=لـواحـدن لامــات مايندريـبـه
الله يحسن صبرهـم عقـب فرقـاه=ويجبر عزاهم عقب كبر المصيبـه
عساه في الجنه مصيـره ومثـواه=وينجيه ربي مـن سعايـر لهيبـه
خلف عيال توصل العلـم لاقصـاه=تاقف مواقيـف الرجـال الصعيبـه
من عقب الطيـب يسـوي سوايـاه=لاطاب الاول طـاب مـن يقتديبـه
ولعش واحد بـاول الوقـت واتـلاه=موكـر حـرار طيرهـا ينهقيـبـه
وعسى البقا في من بقا مثل شرواه=فـراج شـوق منقضـات الذويبـه
وقال الشاعر محمد بن مطلق بن جعد :
من عقب ابو فراج والبال منحاس=شيخ غدت به في قصير قدرهـا
زعيم جملا كلبوها على الـراس=يحمل مشاكلها وينقـل خطرهـا
ابوه قبله لا ركب قب الافـراس=كم شيخ قوم ينطله من ظهرهـا
كما قال الشاعر سالم المطوع :
انا اشهد مات لسبيـع رجـال===فقده على الغالبا خساره كبيره
احد ليا من مات محد عنه سال===واحد على موته عيون سهيره
كما قال شافي بن محمد بن سعد الصييفي:
مرحوم ياشيخ به المجتمع صيب=بأول شهر شعبان جانا العزا بـه
مرحوم يارجل الظفر مصدر الطيب=والشيخ مثلـه ينفقـد وا سفابـه
نبكي عليه ونرفع الصوت ونجيب=وانجاوب القمري بعالي هضابـه
وتبكيه خفرات الصبايا الرعابيـب=اللي لها في يـوم فقـده ظبابـه
وتبكيه شقحا لبسوهـا الدباديـب=سرفه وترتع بالخطـر والمهابـه
دايم مرتعها ورى الحـد تقريـب=في مرتع راع الغنـم مارعابـه
ويبكيه من كثرت عليه المطاليب=عليـه ديانـه يكشـر بنـابـه
ويبكيه مسجون حذف باخر السيب=محد نظر بامـره وقـدم كتابـه
ابن مطر ماجن مثلـه ولاجيـب=ولاظن حتى في عصور الصحابه
تضرب به الامثال عند المواجيـب=سعد الضعيف وعد منهو لجابـه
الى اخر القصيده.
رحمه الله واسكنه فسيح جناته .
جمع وإعداد : معدي بن محمد
موضوع حصري ولم يسبق أن طرح في أي منتدى وقصائد تنشر لأول مره .
هذا ما استطعت ان اجمعه باختصار عن الأمير/ محمد بن مطر وإلا سيرته تفرد لها كبار الصفحات وأسأل الله اني قد قدمت مايروي ضمأ من كان يبحث عن سيرة هذا الشيخ الفارس.
تحياتي وتقديري