[خيَّال الغلباء]

بسم الله الرحمن الرحيم

دار الفكر مني ثم درت مشاعري = بأمثال ما دارت على فكر شاعري
تعاليل ما بيني وبين هواجسي= علاقة عنا مابين قلبي وناظري
جفا النوم جفني واستجابت جوارحي=ولو لا غرام القلب مابت ساهري
ينام الذي قلبه من الهم خــــــــــــــاليا=ويسهر من همه على القلب دايري
أنامن قرى نجد اليمامة موطـــــــــــني = ومن قرية الحائر وتلك الما ثري
احن إلى تلك الديــــــــــــــــار ولي بــــــــها=حناناً وحلماً ماسلا عنه خاطري
إذا طاف بي فيها خـــيالي حســـــــستها =نعيماً على قلبي وقرت بصايري
مرابي المها وارض البها والذي بهــــــا =غزال على شوفه نسوق البشايري
طبيعية الأخلاق والخلق كلــــــــــــــــما =يبان البها تظفي علية الخمايري
تجيد الهوى بأربع وتسعين لهجة =أفانين يجهلها قليل الخبايري
حياوية من كل ماكان مخجــــــــــــــلاً =نجيلاً على من راد منها برايري
الأ ياعنا قلبي وياكثر لوعــــــــــتي =وياحر أشواقي لتلك الحواجري
عيونٍ عيون السحر فيها وحـــــولها =وعنقٍ طويل كاسيته الظفايري
وصدر لها عال على هافي الحــــشا =ونبا عن خواصرها رفيع الحصايري
إذا أدبرت تمشي ويهتز عودهـــــا =تذوب القلوب وتستفز الضمايري
وإذا اقبلت تفرح قلوب حـــزينة =بحكم الهوى يركع لها كل طايري
أقدم لها قلبي وروحي هديــــــــة =عسى تقبله مني خيار التجايري
ألا ياسنا يا أم المناغاية الهــــــنا =الأتذكرين مولعٍ فيك حايري
ذكرتك وانا في مصر والكل سابحاً =بغبة غرام المترفات النضايري
فتىً فاتني عمري وأنا ما عرفتــــهم =وانا قبلهم في عفة الحب سايري
حدوني وحدُوني وحديت جمعهم =ورمت النجاه وعارضتني عثايري
استبشروا حالي وبالي لغيرهـــــــــــــــم =لافقت من سكرتهم أذكر ذكايري
وزادوا علي وسادتي عامل الهــوى =وأيست من روحي وهلت عبايري
متي طاف بي هاجوس طيف من الهوى =ذكرت الغزال اللي عن الناس ذايري
يجي دونها القناص ما نال نولهــــــــــــــا =يذوق الحفا من دونها والعزايري
مداهيلها كوٍد على من يريدهــــــــــــــا =مداهيلها روس الجبال الوعايري
بعيدٍ عن السرحان والنمر والفـــــــــــهد =وعن الأسود وناقلين الذخايري
ألا يا بعد غيدٍ غديدٍٍ غدابهـــــــــــن =ظلام الجهل فالليل والنور غايري
أدوات سمار وتسلات خــــــــــــاطرٍ =وتضييع وقت مكثرين الخسايري
رفاقي يشوفون الحلا والملـــــــــذتي =بمصر وأنا اشوف العنا والنكايري
بلاد بها كثر التماثيل عـــــــــــــــــبرة =أشباح بغير أرواح ياذا العبايري
اذا صار لادنيا ولادين عــــــــــــندهم =سوى الزور والبهتان والحكم جايري
فلا خير في دار رخاها حـــــــــــــرامها =وتخسى رجالٍ ما تصون الحرايري
خراب وشراب وزاد والحلف بالنبــي =على الشرك بانين قصور وعمايري
عسى الله يديم امجادنا في بــــــــــــــــــــلادنا =وعسى الله يبور بملزمه كل بايري
ترانا العرب واصل العرب قمة العـــــــــرب =أصحاب الوفا وأهل السيوف الشطايري
لنا الفضل فالدنيا وفالدين والأصــــــــــــل =هل الهمٌه العليا الى صـــار صايري
جبلنا على الأخلاق والدين الهــــــــدى =وحكامنا مثل الجبال العــــسايري
يعزون مظلوم ويردون ظـــــــــــــــــــــــــالم =ويعطون مٍحتاج ويهــــدون زايري
يعينون مكسور اذا ما التـــــــــــــــــجابهم =فكم واحدٍ صاروا لعظمه جــــبايري
عسى الله يعز أهل النفوس العـــــــــــــزيزه =ويضفي على خلاتٌهم بالســـتايري
أنا فرد عادي ٍولي بس فــــــــــــــــــــــكرة =أبااقولها لوكان تقلع ودايـــــــري
أعبُر ولا ادبر سوا دبرة الــــــــــــولي =ولانيب سياسي ٍولا نيب ثايـــري
أخاف الخطا وارجي العطا من راع العطا =جزيل العطا عالم خفي السرايري
فيارب سامحني وبدٌل خطيـــٌــــــــــتي =بحسناك يا عافي عن أم الكبايري

منقول ورحم الله الشاعر الشيخ / عبدالله بن غصن اّل علي السبيعي وأسكنه فسيح جناته وأنتم سالمون وغانمون والسلام