اهلا بكم اعزائي ,
ابي الله لايهينكم أتأكد من صحه هالقصه والرجيعي هو الرجيعي السبيعي او لا وهذي القصه
,
يدها يالرجيعي
بسم الله
يقولون انه فيه مكان بالصمان يوجد به مزرعه المزرعه هذي يجي لمه بالشتاء بدو الجنوب وبالصيف يجي لمه بدو الشمال
هذي المزرع لواحد اسمه الرجيعي
واستمر كذا الرجيعي مع لناس هذولا ويعطيهم ويعطونه وفي يوم من ايام الصيف وعنده حقين الشمال
عزمه امير بدو الشمال راح يمه سولف معه وفي ذاك الوقت مرت بنت الامير ولاه من احسن الحريم حبه الرجيعي من اول نضره والبنت لما شافته يبحلق فيها ناضرتته وحبته
استمر الرجال يزور الشيخ عشان يشوف بنته والبنت تروح للمزرعه عشان تشوف الرجيعي
فكر الرجيعي بالزواج من البنت بصس تخوف من اهله وزوجته وخبركم ذيك الايام ما يتزوج الحضري من البدو ابدا
ايه وقربت ايام الصيف تروح ورحلو اهل الشمال
بدا الرجيعي يمرض ويتعب وكل يوم يزود تعبه اهله يجيبون له كل الاطباء الي حولهم
جو حقين الجنوب يم الرجيعي يبي يكونون على عادتهم هناك سئلو عن الرجيعي قالو انه مريض
قام واحد من عيال شيخ القبيله وراح للرجيعي يشوفه لانه من اعز خوياه
سلم على الرجيعي وشلونك ويسئله قاله الرجيعي يا اخوي انا تراني مريض مرض الحب واحب وحده وهذا الي مخليني مثل ما تشوف
قاله البدوي ومن تحب قال احب بنت الشيخ الفلاني
قال البدوي ورا ما تزوجها قاله عن ضروفه واسباب انه ما يتزوجه
قال البدوي طيب ورا ما تروح تشوفها لعله تشفيك قال بس وشلون اروح لمه وش يبي يقولون اهله وش ابي عندهم قال البدوي
اجل اسمع انا وياك نبي نروح وابدبر لك طريقه تشوفها فيه
راحو يم الشمال يسئلون عن ديار الحبيبه وكل يوم يخف الرجيعي شوي اذا تذكر الحبيبه ولما وصلو قال البدوي اسمع ابروح انا من الجهه هذي ولما اقرب تبي تنبح الكلاب ويبي يلتفتون لمي اذا التفتو انت ادخل لم البيت من ذيك الجهه ورح يم بيته وانت وياه
قال الرجيعي سم ولما نبحت الكلاب راح الرجيعي يم البنت يوم دخل عليها ويسلم ويتكلمون ويتكاشفون الحب بيناتهم
وهم جالسين قال الرجيعي انتي السبب في الي حنا فيه وزعلت البنت وكان جنبه قربه منفوخه وياابسه وعليه مجاول او ما يسمونه خلا خيل قامت البنت تدافع عن نفسه وتضرب بالقبه
ابو البنت وهو جالس مع الرجال سمع الصوت واستغرب جا يبي يقوم ومار يقول البدوي يا شيخ ابقولك السالفه ذي عن الرجيعي خويكم
الشيخ يوم سمع اسم الرجيعي جلس يبي يسمع السالفه
قال البدوي كنت عند الرجيعي واني انا تحديته ان البدو عندهم الفروسيه احسن مكن الحضر ورد علي ورديت عليه اخر شي قلت له خلنا نتسابق
وانه قال ما يخالف
ركبنا خيولنا وركضنا ولا ماش الرجيعي كل شوي يبعد عن وكل شوي يبعد عن قلت ماهنا الى الحيله وابدا اصوت يدها يالرجيعي يدها يالرجيعي (الرجيعي سمع خويه يقول يدها يالرجيعي ومار يمسك يد البنت عن ضرب القربه وينبها)
ولما جا يبي يمشي البدوي صوت مره ثاني وهو يقول يالله في امان الله يالربع ابمشي انا ولزمو عليه وعيا الرجال وقام الرجيعي يوم سمع خويه يقول انه يبي يمشي فهم انه لازم يطلع ودع البنت وقام وطلع وتلاقو والرجيعي يشكر خويه البدوي على التنبيه