فعل الطيب
هذه القصائد من وبين الزملاء (( في شركة ارامكو))
وفيها يعبرون عن شعورهم نحو زميلهم
(( حزمي بن سعود الغزيلي السبيعي ))
والذي نقل من مجموعتهم إلى مجموعة أخرى على اثر تشكيل في الادارة
فتأثروا لنقل زميلهم
والذي يحظى باحترام وتقدير ومحبة كبيرة من قبل زملائه
بسبب طيبته ومعرفته بحق الاخوة والزمالة
والحق يقال (( مع أن شهادتي فيه مجروحة ))
هذا الرجل يتمتع بصفات الرجال الحميدة والنبيلة
*******************
1/ قصيدة الشاعر عبيدان ناصر القباني السبيعي
[poet font="Simplified Arabic,4,darkblue,bold,italic" bkcolor="transparent" bkimage="" border="solid,4,tomato" type=0 line=200% align=center use=ex length=0 char="" num="0,black" filter=""]
ضاق صدري عقب تشكيل الإدارة = والإدارة عندنـا والله صعيـبـة
رأيها لامن صـدر نفـذ قـراره = والقرار اللي صدر ربي حسيبـه
واحسايف عقب ماراح أبو ساره = غير حزمي يابو بندر ويش نبيبـه
جامـع كـل المراجـل يقتـداره = الله اللي قد كتبهـا مـن نصيبـه
نقلته مـن زامنـا والله خسـارة = ومن خسر في راسماله مايجيبـه
[/poet]
فجراه زميله شرار النفيعي العتيبي بهذه
القصيدة
[poet font="Arabic Transparent,4,orangered,normal,normal" bkcolor="transparent" bkimage="" border="solid,4,gray" type=0 line=200% align=center use=ex length=0 char="" num="0,black" filter=""]
ببدع القيفـان وانظمهـا بشطـارة = يوم أبو ناصر شكى روحة قريبـه
سـاهـر ليـلـه ولا يـرقــد نـهــاره = ومن سبب فرقاه كثر في نحيبـه
لاتلومون السبيعي في أبو ساره = وافـي الأشبـار جعـل الله يجيبـه
مانعـوض فيـه مـن بـدو وحضـارة = بسـالـف الأيـــام كـنــا ننتخـيـبـه
تـم قـول قيـل مـن بـرج الإشـارة = خاتمينه بالزهـر والمسـك طيبـه
[/poet]
فجاراهم زميلهم الشاعر سعود برجس المطيري بهذه القصيدة
[poet font="Simplified Arabic,4,black,normal,normal" bkcolor="transparent" bkimage="" border="double,4,gray" type=0 line=200% align=center use=ex length=0 char="" num="0,black" filter=""]
يـابـو نـاصـر جـونـا ثــور غـبـاره = مـثـل عــج ثـايـر بأقـصـى شعيـبـه
سبـت اللـي صـد عنـا كــل غــارة = السبيـعـي راح عـنـا مـــن يجـيـبـه
أشهـد إنـه كامـل فــي كــل شــارة = فيـه حلـم وفيـه عـلـم وفـيـه طيـبـة
وفيه فزعة وزود حنكة مع شطارة = وعنـد حـزات المـلاقـا يـنـد عيـبـه
يابو ناصر شعركـم ماهـو خسـارة = مدحـكـم يستاهـلـه مـاهـي غـريـبـة
[/poet]
.