بسم الله الرحمن الرحيم
وصية موسس البكيرية حمد بن سليمان البكيري رحمه الله بخط يده
اشهد ان لااله الا الله وان محمد رسول الله وان عيسى عبدالله ورسوله وكلمته القاها الى مريم وروح منه وان موسى كليم الله واشهد ان الموت حق والنار حق والجنة حق والبعث حق وهذا مااوصى به حمد بن سليمان البكيري من بعد الموت بثلث مالي على موجب الورقة التي توجد عند محمد العبد الرحمن وبيت مكة وقف على ذريته الذكر والانثى كل على ميراثه ويقدم بالبيت قنطارين تمر يفرق في شهر رمضان في حرم مكه كل ليلة قدر ستة ارطال تمر بمنى لي وللوالدين واخوي ابراهيم وكيل الى ما يرشدون عيالي الذكر والانثى والوقف على عيالي وعلى ذريتهم والله على مااقول وكيل فمن سمعه وبدله فانما اثمه على الذين يبدلونه 27رجب 1221هجرية ومذيل بالوصية على نفس الورقة
من حمد بن سليمان البكيري الى ابراهيم بن عبدالقادربن بسام وبعد يااخي تراني موكلك على العيال محمد ورقيه وعلى الذي لهم تخليه عندك ان شاء الله الى ما يرشدون وكل تعطيه حقه وانت لاتعذر ترى مالي شرهه الا عليك والسبب الحريم والسفهاء ماعليهم متكل جزاك الله عني خير الجزاء في شهر رجب 27منه سنة هجريه1221 كتبه بيده حمد البكيري ختمه اربع مرات ثم ذيل الورقة بقوله وابراهيم العبد القادر بن بسام وصي مختار على الذي لي وعلى البضاعة التي بيننا شراكه الذي لنا من راس مالنا والذي معنا مضربه للناس وهو مصدق وكل مايفعل فهو بحل وهو يعطي من ادعى علي بشيئ والله خير شاهد حرر شهر رجب 22منه سنة 1222هجريه شهد بذلك عبدالله بن ابراهيم بن عبدالرحمن بن بسام وشهد به وكتبه ابراهيم بن عبدالرحمن بن بسام انه موكل ابراهيم بن عبدالقادر بن بسام على البضاعه وعلى حق العيال ومحمد جلل وكيل على اللي عند الهنود وكيل ممر الى مايجي ابراهيم وسمي مختار محمد جلل شهد بذلك عبدالله الختم
فلما تعطل وقف بيت مكة بيع على ابن فضل بمبلغ خمسمئة ريال واعيدت الوقفية على يد قاضي عنيزة علي ال محمد الراشد الاسعدي العتيبي