هلا بك اخوي مخاوي الجن ..
انا داري بهالمعلومه .. ومن ما يعرف آل ركاض .. آل ركاض من بني حميد من بني عامر .. اشهر من نار على علم .. وهم شيوخ قبيلة العوامر الهمدانيه حاليا في الامارات .. وادري ان الشيخ سالم بن ركاض آل ركاض العامري من بني حميد من بني عامر من سبيع .. وهمو ولد عمنا لا شك عندي ..
لكني استغربت من كلام الاخ .. وهو من قبيلة بني عامر الهمدانيه من العين ..
وهو باحث في الانساب .. وانا استغربت من كلامه لذلك كتبته وقلت اشوف ش رايكم في الموضوع ..
والا انا ما عندي شك والله آل ركاض منا وفينا ..
وازيدك من الشعر بيت .. يقول ان العمانيه اصلا من عمان .. واصلهم من الازد اهل عمان .. ؟؟؟؟؟؟؟؟؟؟ والله كلامه عجيب غريب .. ويقول العماني نسبة الى عمان .. وفي جزء منهم حاليا في عمان ؟؟؟
وانا قلت له وش دخل العمانيه في عمان .. هم من بني عامر .. منا وفينا .. وين صاروا من عمان الله يهديك .. قالي انا متاكد من كلامي .. وانا ماخذ العلوم من الشيبان ..
عشان كذا انا طرحت الموضوع هنا بين اياديكم يا بني عمي عشان تتوضح الامور .. لي ولغيري .. وعشان اقدر اوضح للرجال .. لاني الصراحه يوم قالي هالكلام قلت له بشاور بني عمي عشان اتاكد وارد عليك .. (( واضيف انا ماعندي شك في نسب العمانيه وآل ركاض )) ..
((ان اخطات فمن نفسي وان اصبت فمن الله ))
والله اعلم ..
اخوكم
محمد بن سلطان الثوري