بسم الله الرحمن الرحيم
(السلام عليكم ورحمة الله وبركاته)
القصيده للشاعر:مطلق بن دوخي المذاهبي الحارثي
ارجو ان تحوز على رضاكم..
يالله يامحـي الهشيـم الميابيـس=اغفر ذنوبـي ياعزيـز الجلالـي
اخذ مع الهاجوس عدة مراويـس=واطمع بظلك يوم مابـه ظلالـي
واكتب نصايح في جميع القراطيس=للـي مجالسهـم بقيل(ن)وقالـي
الي على الغرات مثل الجواسيـس=يقولون هذا من خيـار العمالـي
احدن بنى جدره بفكرن وتاسيـس=واحدن بنى جدره بجرفٍ هيالـي
الدين ياأهل الدين عز ونواميـس=وراعيه دائم شامخ(ن) بالرجالـي
راعي الكفر دايم عليه الكوابيـس=خسران في دنيـاه فـأول وتالـي
خافوآ من الله ياعشاشيـق لميـس=يالي تعشقـون الفتـن والجمالـي
هذي عمل نفس(ن)تبي تتبع ابليس=وتشجع اهـل الكفـر والضلالـي
نصيحه منـي هديـه وتدريـس=من راس شاعركم ولا احدن بدالي
انصح واحذر عن كثير المجاليس=الي بهـا النمـام جالـه مجالـي
حرن طليق(ن)والبقيـه محابيـس=فأعراض خلق الله تـرا مايبالـي
احّمس اهل الطيب بالقاف تحميس=لاتعطي الرديان نصف المهالـي
املبسين الحـق بالظلـم تلبيـس=وافعالهـم ماتنقبـل يالرجـالـي
صلوا عدد ماهبت اقوى النسانيس=علـى نبـي الله واطيـب مثالـي
وسلامتكم