قصيدة جديدة للشاعر المبدع فلاح ضاوي الحنان السبيعي
ثوري مثارا قوم ماهي ثواره= أعلمك يامسمي الثار بالثور
لاشفت شي يستحق الإثاره= أنشد وتلقاني أنا ثوري اسبور
بارود ماناقصني الا شراره=مغير تلمسني بها لمس وآثور
لاحد يجي جنبي مولع سيجاره= أو يعتبر نفسه مهدد ومخطور
لوكنت في فيَّه وعازل حراره= بين الضلوع الحانية نار تنور
ساكن لاكني ما أضمن الانفجاره= لاشفت لك ثوري ترا الامر مخطور
وقف وكنك واقف للإشاره= احذر تحرك لا عطاك أحمر النور
ترا حياتك عرضة للخساره=مالك مجال تلف بعدين وتدور
حشر الأعادي لاعتزينا بساره= واللي يعادينا من الناس محشور
لايحسب أنا ننخدع بالحضاره= الجندي المجهول منا ورا السور