[المحيط الرابع]

ملفي المورقي
سلام تسليم اغلا من رصيد البنوك
مني هديه على الغلبا وضيفانها
فلاح قالو يحشد الجيش فايمن تبوك
مايعرف النار لين يشم دخانها
فلاح الحنان
انته سلامك وصل يفداك راع الشكوك
ياشاعر مثل الهيلا وعربانها
انا حشت الجيوش ابغا اتعشاء بخوك
حتى وعمتك تبغا قص ذرعانها
المورقي
احسب حسابك تراء قدمك على لدرب شوك
اليا مشيت الدروب افطن لبيبانها
مايحتمون البلاد الا عيال الملوك
قوت قوه ولانتعب على شانها
فلاح الحنان
حنا ندوس الافاعي كانهم ماخبروك
والحيه الي تكوش نطق لحيانها
لاتحسب انك بتسلم دون حدك شبوك
حنا نعرف الشبوك ندل بيبانها
ملفي
ابنصحك كان ماعلمك جدك وبوك
ابعد عن الحيه الي مدة السانها
ترا لشده جديده والاصايل بروك
ماباقي الا اتقدم وصط ميدانها
فلاح
حية عتيبه تسلا بلحلا والعلوك
ياهون ياهون حيتكم وعتبانها
ماني اخبرك تخاف اربوعنا خوفوك
وصبحت كانك ذلول مسو ابطانها
المورقي
طبعك تغير بعد حطيت في الجيب بوك
دعواك ماتاصل اضبيعه وسبعانها
انا حديتك وربعي في القدايم حدوك
ياما قضبنا الجمال الصفر برسانها
فلاح
بقعا تجيكم عتيبه كانهم وهقوك
اعتيبه مبدله فالحج حذيانها
تحك راسك وهو بالموس قبل محكوك
املس وليام ذي ياكثر ملسانها
ملفي
اعتيبه اهل الشرف لو جيتهم سنعوك
الله يسلط على السرحه وغربانها
ياليت والله سبيع اهل المقام انصحوك
انته كما نملتن شر لجيرانها
فلاح
اسبيع لو جيتهم في سرحتك كرموك
خلوك تومي بجنحانك على اغصانها
ياليت والله عتيبه بالمرس ربطوك
من شان ماتفتح الثغره لعدوانها
ملفي
اسبيع هاك السنه باعوك ولا شروك
سوالف تصتفق ماقر ميزانها
ترا الاذاعه تبث اخبارها في السلوك
اخاف تجترك الدنيا بكرعانها
فلاح
اسبيع هاك السنه بحسابهم حاسبوك
خلو عيونك تقلب فوق حجانها
قامت حليمه تشفع لك بعد ماقضبوك
قامت توطا على ثوبك بكيعانها
ملفي
الهرج هين على كل العرب والضحوك
واما ام المعارك لها في الحرب فرسانها
اسبيع هاك السنه باعوك ولا شروك
سوالف تصتفق ماقر ميزانها
فلاح
من يوم واجهتهم لا والله الا خذوك
وام المعارك عليك تطيح جدرانها
اما عتيبه على خط القصيم اسحبوك
كل اشجره غترتك من فوق عيدانها
ملفي
اسبيع ياطيبهم لاونهم عالجوك
ماعاد تنضر عباد الله لمرضانها
والله ونعمين يالحنان والحفل دوك
انتم وحنا قرانيس بجنحانها
فلاح
اثر عتيبه على راسك بميسم كووك
لولا الكوايا تموت الناس بجنانها