[عواكيس]

المشاركة الأصلية كتبت بواسطة مخايل الغربي

بسم الله الرحمن الرحيم

قال الشاعر الكبير خضير الصعيليك الاسلمي الشمري يمدح الشيخ عبد الكريم الجربا هذة القصيدة الرائعة ومن المعروف ان الشيخ عبد الكريم الجربا اشتهر بالشجاعة وكذلك بالكرم حتى سمي ابو خوذه وهذة القصيدة تعتبر من اروع قصائد المدح في تاريخ قبيلة شمر ان لم تكن اروعها يقول خضير الصعيليك الاسلمي الشمري في الشيخ عبد الكريم الجربا:

يا شيخ انا جيتك على الفطّر الشيب= قزّان من دار المحبين دبّاب
دبا عليّ ودبّ مني بتقريب=قل المواشي ياذرا كل منهاب
من دارنا جينا لدارك مغاريب = يمّوم نجمِ لا تغيّر ولا غاب
متخيرك يامنقع الجود والطيب= لا خيّب اله للاجاويد طلاّب
سلام من قلبٍ محبٍ بلا ريب = له يستتبّ الشاب ويشبّ من شاب
يالجوهر الناريز يالعطر يالطيب=يالصعل يالصهّال يا حصان الاطلاب
يالزير يالزحّار يالنمر يالذيب=يالّليث ياللاّيوث يالشبل يالداّب
يالضاري الضرغام عطب المضاريب = يالفرز يا مفراس ضده والاجناب
يالنّادر الهيلع عقاب المراقيب = يا نافلٍ جيله بعيدين وأقراب
نطّاح طابور العساكر لياهيب=ستر العذارى لاغشا الزمل ضبضاب
عيبك الى من قالو الناس بك عيب=بالسيف لأقاب المناعير قصّاب
وعيبك الى من قالوا الناس بك عيب=للسمن فوق مفطّح الحِيل صبّاب
وذبح الغنم والكوم حرش العراقيب = وِإعطا المهار وبذل مالٍ بلا حساب
وبك شارةٍ كب الفراد المحاديب=وبذل الطعام وللتنافيل كسّاب
ونمرا تجرّه للعدا والاجانيب=تفجا بها غرّات ضدك بالاسباب
ومن عقب ذا بالعون مابك عذاريب=احلى من السكّر على كبد شرّاب
جيناك فوق الهجن شيب المحاقيب=لمشاهدك ياشوق وضّاح الانياب
الحرّ يضرب بالكفوف المعاطيب = والتّبع قناصه من الصيد ما جاب
وانت الذي تافي بكل المواجيب=كنك هديب الشام بالحمِل عتّاب
تثني لابو صلفيق مابه تكاذيب=شيخ السخا معطي طويلات الارقاب
ياما عطيت اللي يجونك طلاليب =كم واحد جا لك من الوقت منصاب
وفرجت همّه في كبار المواهيب =من عيلمٍ يزمي كما يزمي الزّاب
عز الله انك طيب وتفعل الطيب = والطيب يجنى منك يازاك الانساب
ولاهو كثيرٍ يا مهدي الاصاعيب =أفعالكم يعدّة اللي بالاصلاب

ولما سمع الشيخ عبد الكريم هذه القصيدة اعطى خضير الصعييك 15 بعير غير منطقته المذهبه وانتم سالمين والسلام
منقول

أخوي / مخايل الغربي شكرا لك على هالقصيدة الجميلة والله يرحم الشاعر والشيخ الجربا مع أطيب أمنياتي وخالص تحياتي .