يقول من يبدع جزيل القصايـــد = ينقا جزيـــل الشعر نقوه ويختار
يختار منها كـل قاصـــي ونايد = في طيب القيــفان ماهوب يحتار
ايدور اللـي في الطواريق كايــد = ويروضـــه ويحط له قيد واهجار
شاعر وابن شاعر واماري وازايـد = اطوع ابيوت القصايــد والاشعار
ومانيب ادور من وراه الفوايــد = ولابدعتـــه وسط جلسات تجار
وقصايـدي ماكتبت بالجرايـــد = ولاتغنــــى عود والا على طار
ولامدحت مغيرين العوايــــد = اللي تجاهل واجب الضيف والجار
شاعر واحب اهل الفعول الوكايد = واقدر اللي فالمواجـيب حضار
لاقاد هاجوس التفاكيرقايـــد = وقامت تزاحم عندي افكار وافكار
اقوم اعلقها ســـوات القلايد = واسلى بها لاصار بالصدر ماصار
انا مع الشعار وضعي محايـد = وجهت نضر والا اختلافن بلنضار