[أبن الجبور]

يالبى قلبك ياعقيد القوم


تعال ابوسع صدرك بقصيدة لشيخ عجران ابن شرفي

الى تهجم عليه الورع السفيه ...الى كاني اشوف وجههة الشدوق سود والفم مروح والسنون

صفر والنفس شينه وكل مامره هايلكس فيه سربوت مثله ركب عليه ومشى هههه

--------------------------------------------------------------------------

" قصيدة الشيخ عجران ابن شرفي" رحمة الله


حتيش يا ابن فهيد لو كان كشاف

بارق خريف ويم دار" مصده

عسى الحيا يسقي لنا وادي الغاف

ومن فيضة التنهات لخريم حده

عساه يا عيد النضا غب الانكاف

عساه يسقي المربخ اللي نوده

المربخ اللي تدهله سمر الاشعاف

وقدامها الصقار طيره يهده

حدر على الصمان للبرق رفراف

لابكر الوسمي على مستعده

ياماحلا العشب فالقفر لازاف

وجني ال***دي في عذا كل خده

دار" لنا فيها مقيظ" ومصياف

ومشتا ومرباع وكل" نضده

دار" وليناها بضرب" بالاسياف

يوم كل" حامي" ورث جده

منها العتيبي نرفعه فوق قطاف

والدوسري عنها جنوب نحده

وراكان نقلعه يم الاسياف

والا المطيري عارف" راس حده

لا جا نهار" فيه زوغات الاسلاف

هم كل بد" قام يظهر لبده
لي لابة" ركبو على كل مزغاف

وتحيزمو من فوقهن بالاعده

يا جاهل في لابتي منتا بعراف

حريبهم يمسي وكبده مضده

كم شيخ قوم" لا نوا الله له اتلاف

من ضرب ربعي ياكل الرمل خده