بسم الله الرحمن الرحيم
الســـلام عليكم ورحمه الله وبركاته
هذه قصيده الشاعر/سعد بن سعيد بن نوار السبيعي.
بمــــناسبه فوز الشيخ/سحمان بن ملحم السبيعي في مسابقه مزاين نوفاء الرابع
وانتظروا انشاء الله المزيد من قصائد الشاعر/ سعد السبيعي
مبروك ياسحمان بن ملحم على الفوز الكبير=يا من تعلى لصعيبات الجزال ونالها
حضرت ابارك لك واسلم واتشرف وستنير=من شمسك الي نور وجيه الرجال اطلالها
نادوبك وشفتك على المحراب وشويه واطير=كني ملكت المملكه بوطانها ورجالها
من فرحتي بك قمت اصفق والتفت يمي الامير=قلت المعذره طارت الغترة وطاح عقالها
قال الحميا قلت قلها لو يصير الي يصير=خل التهاني تاصل نجوم السماء تبرالها
لانك كفو تستاهل التقدير يا الصبح السفير=يافزعه المضيوم لا عقده عليه احبالها
لولا غلاك ومنزلاتك بخاطري ماجيت اسير=ولا سقت ركبي من طرف رنيه وانا خيالها
لكن حضرت اهديك تقديري وما يخفي الضمير=معزه اربوعي لحال ومنزلتك لحالها
يادرعي المخزون لا هبت على القلب السعير=ويا عزوتي لاطاحت الدله على فنجالها
نذكرك في ايام الرخا ونجيك في اليوم الخطير=ما للحمول الكايدات الا ظهور جمالها
وقفتك في ايام الشقا يصبح بها الاعمى بصير=ومكارمك مزنن من المنشا يسوق اخيالها
زرعة وجه الارض من طيبك تباشير وحرير=لين رسمة صورتك فوق سهولها وجبالها
من مدك وجودك نسانيس الهبايب تستثير=حتى الهبايب من وقارك تستبيح اعمالها
الطيب كنه ملك كفك مالك بملكه خشير=يشهد على هذي وذيك الشاعر الي قالها
وفوزك ترى ماهوب فوزك بالقعود وبالبعير=فوزك بجل افعالك الي نستضل ظلالها
بفعالك وجودك مع أهل الطيب ماجالك نضير=تبني صروح يتعب أيدين الرجال وصالها
مكارمك كنها على نار المكارم زمهرير=وجمايلك لو حملت لاكبر جمل ما شالها
ملكت خلق الله بالاخلاق والكف الغزير=ومدة يمينن تعطي من المكرمات جلالها
دنياك تجمعها لجل تكسيبها ظهر الفقير=الشاهد الله والرجال ومدتك وجزالها
لو يقتدون بحضرتك جماعه المال الكثير=الي تنمي مالها والي تجمع مالها
اليا اكرمو مره يشوفون الكواكب تستدير=وتعزي انفسها لاضاع من اليدين ريالها